RF Mudafaa nazirligi yarımada üzerinde dronlarnı tüşürgenini bildirdi

Oraq ayınıñ 31-ne keçer gecesi işğal etilgen Qırımnıñ Keriç, Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad), Simferopol (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) şeerlerinde ve daa bir qaç meskün yerlerde patlavlar eşitildi. Yarımada, Qara ve Azaq deñizleri üzerinde Rusiye ava mudafaası sisteması (AMS) çalışa edi.

RF Mudafaa nazirligi Qırım, Azaq ve Qara deñizleri üzerinde 371 uçucısız uçaq aletini yoq etkenini bildirdi.

Sevastopol (Aqyar) «gubernatorı» Mihail Razvojayev gece şeerde ava telükesi ilân etti. Bütün yarımadada eki kere — saat 22:22de ve 06:34-ke qadar ve saar 07:10da dron telükesini ilân etti.

Razvojayevniñ aytqanına köre, Rusiye AMS Fiolent ve Şimaliy tarafında eki dronnı urıp tüşürdi.

Bundan ğayrı, gece devamında Qırım köpründe üç kere maşina areketi toqtatıldı: saat 22:50 — 23:40, saat 00:29 — 02:53 ve saat 03:45 — 04:24 arasında, dep bildirdi işğalli köpürge yollardaki vaziyet aqqında maşna yolları merkezi.

Şaatlarnıñ «Qırım yeli» nezaret Telegram kanalına aytqanlarına köre, patlavlar Keriç, Fiolent burnu, Sevastopol (Aqyar), Simferopol (Aqmescit), Feodosiya (KefeRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) ve Köktebel şeerlerinde oldı.

Yerli sakinler Telegram kanalına, saat 02:30-da Sevastopolda (Aqyarda) eki kere teleradiolokatsiya rotasına ücüm aqqında bildirdiler. Saat 01:00-de Keriç yarımadasında Hroni burnunda Rusiye AMS bulunğanı yerde patlav oldı. Saat 06:03-te Yañı Qapudaki istisal alanına ücüm yapılğan.

Hatırlatamız ki, oraq ayınıñ 30-nda gece işğal etilgen Qırımnıñ Ğvardiyske, Simferopol (Aqmescit) civarındaki Mıkolayivka qasabası, Feodosiyada (Kefede) ve rayonında patlavlar eşitildi. Yarımada, Qara ve Azaq deñizleri üzerinde Rusiye ava mudafaası çalışa edi.

Evel USQniñ İSQniñ komandanı Robert «Madâr» Brovdi haber berdi ki, «MoLoÇKa» ameliyatı neticesinde işğal etilgen Qırımnı Rusiye Federatsiyasınıñ Krasnodar ülkesinen bağlağan Keriç parom keçiti öz keçit imkânınıñ 75%-ini ğayıp etti. Naqliyat ve yük taşımasını temin etken beş paromdan, flotunıñ tek bir qısmı çalışmağa devam ete.

Böyle bir strategiya Qırımnıñ işğalden azat etilmesini ne qadar yaqınlaştıra bilecegi, yarımadanı büyük bir topraq ameliyatı olmadan azat etmek mümkün olğanı ve Rusiye logistika içün müim olğan obyektler qaysı ola bilgeni aqqında — Suspilne Qırım jurnalistleri arbiy mütehassıs Vladıslav Seleznöv ve İvan Stupak ile laf ettiler.

Evel USQniñ Arbiy deñiz quvetleriniñ matbuat kâtibi Dmıtro Pletençuk bildirdi ki, işğal etilgen Qırımda elektrik teminatınen bağlı meseleler ve logistika bozulğan soñ, Rusiye uçaqları deñizlerniñ üzerinde daa az körüne, Rusiye gemileri ise baza noqtalarından çıqmay.

Читати ще