Oraq ayınıñ 30-nda gece işğal etilgen Qırımnıñ Ğvardiyske, Simferopol (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) civarındaki Mıkolayivka qasabası, Feodosiyada (KefeRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adde) ve rayonında patlavlar eşitildi. Yarımada, Qara ve Azaq deñizleri üzerinde Rusiye ava mudafaası çalışa edi.
RF Mudafaa nazirligi Qırım, Azaq ve Qara deñizleri üzerinde 258 uçucısız uçaq aletini yoq etkenini bildirdi.
İşğalli fevqulâde vaziyetler nazirliginiñ Rusiye MAX qullanuvında bildirgenine köre, saat 00:19-dan 05:43-ke qadar dron telükesi ilân etilgen edi. Saat 7:28-de tekrar telüke ilân etildi ve alâ daa devam ete.
Bundan da ğayrı, saat 02:46-da Qırım köpründe maşna areketi toqtatıldı, dep bildirdi işğalli köpürge yollardaki vaziyet aqqında maşna yolları merkezi.
Şaatlarnıñ aytqanlarına köre, saat 00:58-de Simferopol (Aqmescit) rayonınıñ Mıkolayivka rayonında üç küçlü patlav eşitildi, bundan soñ Rusiye AMSava mudafaası sisteması ateş açtı. Saat 01:26-da Ğvardiyske qasabasına olar garnizonğa urğanını qayd ettiler.
Yerli sakinlerniñ bildirgenlerine köre, saat 2:28-de Feodosiya (Kefe) rayonında bir çoq uçucısız uçaq aletiniñ uçqanı eşitildi, bundan soñ saat 3:15-te Feodosiya (Kefe) rayonında patlav oldı.
Hatırlatamız ki, oraq ayınıñ 29-ncı gecesi işğal etilgen Qırımnıñ Keriç şeerinde yerleşken Keriç deñiz ticaret limanınıñ 5-nci anbarında ve Rusiye ava mudafaası sisetmasınıñ vastaları yerleşken küçük vatandaş uçaqları ava limanında yanğın çıqtı.
Evel USQniñ Arbiy deñiz quvetleriniñ matbuat kâtibi Dmıtro Pletençuk bildirdi ki, işğal etilgen Qırımda elektrik teminatınen bağlı meseleler ve logistika bozulğan soñ, Rusiye uçaqları deñizlerniñ üzerinde daa az körüne, Rusiye gemileri ise baza noqtalarından çıqmay.
Bundan evel İnsansız sistemalar quvetleriniñ komandanı Robert Brovdi bildirdi ki, işğal etilgen Qırımnıñ azat etilmesi endi keçirile. Onıñ aytqanına köre, esas vazife — yarımadada Rusiye taqımınıñ resurslarnı temin etmek imkânından marum etmektir.
Böyle bir strategiya Qırımnıñ işğalden azat etilmesini ne qadar yaqınlaştıra bilecegi, yarımadanı büyük bir topraq ameliyatı olmadan azat etmek mümkün olğanı ve Rusiye logistika içün müim olğan obyektler qaysı ola bilgeni aqqında — Suspilne Qırım jurnalistleri arbiy mütehassıs Vladıslav Seleznöv ve İvan Stupak ile laf ettiler.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
Bizni Google Haberlerinde oqumaq içün Suspilne Qırımnı saylanğan mevzularda saylañız
