İşğal etilgen Qırım ve Sevastopolda (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adda) 200-300 biñ rus buluna. Kreml 2042 senesine qadar Sevastopolğa (Aqyarğa) daa 130 biñ insannı avuştırmağa planlaştıra.
Baş istihbarat idaresi bu aqqında haber berdi.
"Repressiyalar, mecburiy ruslaştıruv, ukrayin mülkiyetiniñ ekspropriatsiyası, ruslar içün maliyeviy motivatsiya ve uzun müddetli müstemlekeleştirüv planları — bularnıñ episi ukrayinlerni öz toprağından quvmaq içün yapılğan qavmiy genotsid siyasetiniñ qısımlarıdır. Qavmiy genotsid ve müstemlekecilik — Rusiye tarafından vaqtınca işğal etilgen Ukrayina topraqlarında demografik vaziyetni felâketke ketirdi", — dep aytıla haberde.
Hatırlatamız ki, Ukrayina prezidentiniñ Qırımdaki temsilciligi 2014 senesinden 2024 senesine qadar on yıl içinde Rusiye yarımadağa bir millionğa yaqın vatandaşını köçürgenini bildirdi.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
