Ukrayina mudafaa quvetleri Qara ve Azaq deñizlerinde eki tankerni, olardan biri gaz taşıyıcısı ve çekici gemisini, em de "Svetlâk" nezaret gemisini, "TES-Terminal-1" neft terminalını ve işğal etilgen Qırımnıñ Keriç şeerinde yaqarlıq-yağ malzemeleri anbarını urdı.
USQniñ Baş ştabı Facebookta bunı bildirdi.
Ştabnıñ malümatına köre, tankerler sanktsiyalarnı bozıp, Rusiye ordusını temin etmek içün neft ve gaz taşımaq içün qullanıldı.
Aynı zamanda, 10410 "Svetlâk" leyhalı gemileri deñizde patrul yapa, gemilerni taqip ete, em de RF arbiy-deñiz quvetleri ve diger quvet qurulışlarınıñ areketlerini temin etmek vazifelerini eda ete bile.
Bundan evel Ukrayina Silâlı quvetleriniñ İnsansız sistemalar quvetleriniñ komandanı Robert "Madâr" Brovdi oraq ayınıñ 17-nde ukrayin bölükleri Qara deñizde Rusiye "kölge flotu"nıñ daa 12 gemisini urğanını bildirdi.
Şimdi ukrayin Middle Strike dronları işğalcilerniñ arbiy logistikasını, arbiy mudafaa hızmetlerini yoq ete. RF Silâlı quvetleriniñ esas teminatı yolları ateş nezareti altında tutıla. Bu, Mudafaa quvetleri ve qarşılıq areketiniñ ortaq işidir.
Ukrayina dronları işğalcilerge nasıl meseleler yaratqanı ve Keriç boğazı boyunca köpür daa ne qadar qalacağanını — bunı 412-nci Nemesis brigadasınıñ batalyonınıñ ücüm qanatları bölüginiñ komandanı Andriy "Jakonda" alıp barıcısı Svitlana Steçenko ile "PRO Qırım. 2.0" leyhasınıñ yañı yayında tarif etti.
RF kölge flotunıñ tankelerine ücümler aqqında ne bilemiz
İşğalciler Qırımğa yaqarlıq taşığan yerastı astyapılarnı yoq etken soñ, deñiz üzerinden naqliyatnı deñiştirmege tırıştılar.
Ukrayinanıñ maqsadı — ruslarnıñ cenübiy logistikasını kesmek, çünki vaqtınca işğal etilgen Qırım toprağından "Dnepr" taqımınıñ teminatı keçe. RBK intervyusına Ukrayina Prezidenti Ofisiniñ yolbaşçısı Kırılo Budanov bunı ayttı.
Oraq ayınıñ 9-nda saba İSQ bir künde 14 geminiñ zarar körgenini bildirdi. Rusiye Rostov vilâyetiniñ gubernatorı Yuriy Slüsar da eki tankerniñ ücüm etilgenini bildirdi.
Oraq ayınıñ 8-nde — 9 gemi, oraq ayınıñ 7-nde — 10 (tankerler, quru yük taşıyıcısı ve parom), oraq ayınıñ 6-nda eki tankerni ücüm ettiler.
"Bütün tankerler Rusiye Federatsiyası "kölge flotu"nıñ qısmı ola ve halqara sanktsiyalarğa oğray, dep qayd etti Robert Brovdi. Hedefler, yañı qurulğan İnsansız sistemalar quvetleri teren ücüm merkeziniñ koordinatsiyası altında zarar kördi", — dep qayd etti İnsansız sistemalar quvetleriniñ komandanı Robert "Madâr" Brovdi.
Ukrayina Mudafaa nazirligi Azaq deñizinde Rusiye tankerleriniñ zarar körgenini böyle izaatladı.
"Lâkin Qırım sakinlerini ihtar etmek kerekmiz — benzin olmaycaq, beklemey bilesiñiz. Oyun endi başlana. Bular, İnsansız sistemalar quvetleriniñ "quşları" ve Ukrayina havfsızlıq hızmetiniñ işidir", — dep aytıla haberde.
Birinci afta içinde Qırımda yaqarlıq fiyatı 78,4%-ge paalılaştı. Deutsche Welle, Rosstat malümatına esaslanıp, bunı bildirdi. Yarımadada benzin satıluvı da sıñırlana. Hususan, işğal etilgen Sevastopolda (Aqyarda) oraq ayınıñ 10-nda yedi yaqarlıq stantsiyasında 20 litrden ziyade yaqarlıq satılmay, dep bildirdi şeerniñ işğalli gubernatorı Mihail Razvojayev.
Oraq ayınıñ 9-nda Ukrayina Mudafaa quvetleri Azaq deñizinde Rusiye Federatsiyasınıñ 12 tankerini, bir çekici gemisini ve bir quruvantajını urdı, dep bildirdi Ukrayina Mudafaa quvetleriniñ Baş ştabı.
Oraq ayınıñ 10-nda USQnıñ İnsansız sistemalar quvetleri, Azaq deñizinde Rusiye kölge flotunıñ daa 13 tankerini urğanlarını bildirdi — 10 tanker, 1 quru yük taşıyıcısı, 1 parom ve 1 deñiz çekicisi. Umumen, soñki 120 saat içinde, olarnıñ malümatına köre, 48 Rusiye gemisi zarar kördi.
Oraq ayınıñ 16-nda İnsansız sistemalar quvetleri Qara ve Azaq deñizlerinde Rusiyeniñ 11 gemisini urdı. "MoLoÇKa" operatsiyasınıñ başından berli 147 böyle gemi zarar kördi.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
