Oraq ayınıñ 9-na keçer gecesi Ukrayina Mudafaa quvetleri Azaq deñizindeki 12 tanker, çekici, quru yük taşıyıcı, neft terminalı ve silâ anbarını ücüm etti.
USQniñ Baş ştabı bunı bildirdi.
"Böylece, Rusiye Federatsiyasınıñ Azaq deñizindeki 12 tankeri, bir çekicisi ve bir quru yük taşıyıcısı zarar kördi. Zararnıñ miqdarı ve ücüm neticeleri aydınlatıla. Zarar körgen gemiler, hususan, Rusiye Federatsiyasınıñ ordu gruppirovkalarına yaqarlıq ve yağ malzemelerini temin etmek içün qullanılğan edi, em de halqara sanktsiyalarnı bozıp, cermay ve cermay mahsulatlarını naqil etmek içün. Olar Ukrayinağa qarşı cenkni maliye etüvniñ esas menbalarından biri olğan energiya taşıyıcılarınıñ ihracatını temin ete", — dep qayd etildi haberde.
Bundan da ğayrı, Luğansk vilâyetiniñ Sorokıne rayonında duşman silâsınıñ anbarı zarar kördi.
Hatırlatamız ki, İnsansız sistemalar quvetleri bir künde Rusiye gizli flotunıñ 14 gemisine ücüm etilgenini bildirdi. Ne yerde ve ne qadar gemi urulğanı belli degil.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
