İşğal etilgen Qırımda Aluşta sakinini internette "Vatan qoruvınen bağlı Rusiye arbiy şan-şüret timsallerini aqaretlegeniRF CQniñ 354.1-nci maddesiniñ 4-nci qısmı"nde qabaatlap mahkeme etecekler.
Oraq ayınıñ 14-nde Rusiye Tahqiqat eyyetiniñ Qırımdaki işğalli idaresi bunı bildirdi.
"Ayrıca ağır davalar tahqiqatı idaresi, Aluşta sakini, Rusiyeniñ "İlk qış ayınıñ 9-ı — Vatan qaramanları künü" hatıra kününiñ timsallerini aqaretlegen tefsirlerni, vatanperverlik munasebetinen meşur içtimaiy ağda açıq saifesinde yerleştirgenini ögrendi", — dep qayd etildi haberde.
Hatırlatamız ki, mayısnıñ 20-nde Aluşta sakinine qarşı "Rusiyeniñ arbiy şan-şüreti timsallerini aqaretlegeni" ve "Vatan imayecileriniñ hatırasını aqaretlegeni" içün cinaiy dava açıldı.
Daa evel uquq qorçalayıcı Zarema Bariyevanıñ qayd etkenine köre, Rusiye daa sıq-sıq başlı ukraiynlerni VİETda taqip ete, olarnı uzun müddetke apiske ala. O, Zaporijjâ vilâyetinden ve işğal etilgen Qırımdan altı ukraiyn pensiyacınıñ, esasen "devlet hainligi"nde uydurılğan qabaatlavlar sebebinden apiske alınğanlarını tarif etti. Olardan biri etap vaqtında elâk oldı.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
