Oraq ayınıñ 12-nde ve 13-nde işğal etilgen Qırımda Ukrayina Silâlı quvetleriniñ İnsansız sistemalar quvetleri dört elektrik ast stantsiyasını ve Rusiye arbiy hızmetçileriniñ ava mudafaası sistemasınıñ dört elementini urdı. USQniñ İSQniñ komandanı Robert "Madâr" Brovdi bu maqsatlar ve "Kuban-Qırım" energetik köprüne ketirilgen zararnı köstergen videonı yayınladı.
USQniñ İSQniñ komandanı Robert "Madâr" Brovdi bu aqqında haber etti.
Onıñ aytqanına köre, Keriçteki S-400 "Triumf" raketa kompleksini, Keriç civarındaki Osovını köyündeki "Pantsir-S1" zenit raketa-top kompleksini, em de Keriç ve Melek Çeşme meskün yerlerindeki "Nebo-U" radiolokatsiya stantsiyasınıñ eki kompleksini yoq ettiler.
Bundan ğayrı, aşağıdaki elektrik ast stantsiyaları ücüm etildi:
- Keriçteki 220 kV "Qamış Burun" AS;
- 110 kV "Kovılne" AS;
- 110 kV "Zımıne" AS;
- Afinıdaki 330 kV "Zorâ" AS.
Bundan evel "Madâr" haber etti ki, oraq ayınıñ 13-ne keçer gecesi Kuban-Qırım elektrik köprüniñ strategik aqım noqtası ücüm etildi.
Oraq ayınıñ 12-nde gece İSQniñ 413-nci "Reyd" polkunıñ operatorları işğal etilgen Qırımnıñ Keriç limanı ve parom keçitinde bulunğan üç paromnıñ zarar körgenini qayd etken video yayınladı.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
