Rusiye işğal etilgen Ukrayina topraqlarından 20 610 balanı alıp ketti. Bugünki künde Adliye nazirliginiñ cedvelinde Ukrayinağa cenk başlağanından berli Rusiye Federatsiyası tarafından mecburen köçürilgen 2368 bala qaytarılğanı qayd etile. Tek 2026 senesi 500-den ziyade bala qaytarıldı.
Oraq ayınıñ 9-nda "Ukrinform" Ukrayina milliy haber agentliginde "Hırsızlanğan ukrayin balalarınıñ qaytarıluvı" mevzusında keçirilgen matbuat konferentsiyasında şahsiy malümatnı teşkerüv esasında bu malümatnı seslendirdiler. O, YouTubede canlı yayınlanğan edi.
"2026 senesi ilk yaz ve oraq aylarında pek çoq genç Ukrayinağa qayttı. Ukrayina aqqında hatırlağan balalar ya da gençler sıñırdan öz başına keçmek içün 18 yaşını bekley. Evelden biri aqqında aytsaq, şimdi bir aftadan 10 ziyade oldı. Menimce, bu, Ukrayina devleti olaraq balalarnıñ haberdar etilmesi içün yapqan areketlerinen bağlıdır, bundan da ğayrı, bugün kirsetilgen ve inkişaf etmege devam etken destek, reabilitatsiya, para yardımı programmaları", — dep añlattı Ukrayina Yuqarı insan aqları Şurasınıñ bala aqları temsilcisi Oksana Çervâkova.
Onıñ aytqanına köre, Ukraiynada qızlar ve oğlanlar içün içtimaiy daireler de taqdim etildi.
"Ukraiyn bala aqları ağı" teşkilâtınıñ idare reisi Darya Kasyanova, balalar aqlarınen bağlı teşkilâtnıñ gençlerine nasıl destek kösterilgenini ve içtimaiy ayatqa nasıl reintegratsiya etilgenini añlattı.
"Olarnı sıñırda qarşılaylar, ve er birine, er bir gençniñ ya da qorantanıñ ihtiyaclarını bütünley qıymetlendirgen, bu yol boyunca esasen qol tutqan ayrı bir dava idarecisicemiyetniñ zayıf qısımlarına yardım kösterüvini idare etken içtimaiy ya da tibbiyet hadimi tayinleyler. Bu balalarnıñ çoqusı er şeyini ğayıp etti", — dep ayttı o.
"Ukraiyn bala aqları ağı" cemaat teşkilâtınıñ uquqçısı, bala uquq qorçalayıcısı Katerına Raşevska dedi ki, Ukrayina, ukrayin balalarınıñ sürgünligine alâqası olğan şahıslarnı mesüliyetke çeküv meselesinde de çalışa.
"25 insan qanunsız sürgünlik ve mecburiy köçürüvde şübelene. Eñ az 581 cinaiy dava ukrayin balalarınıñ teşviq etilüvi ve daa 28 cinaiy davanıñ arbiyleştirüvi boyunca açıldı", — dep qayd etti o.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
