Ruslar Azaq deñizinde ukrayin dronları tarafından tankerlerge yapılğan muvafaqiyetli ücümlerden soñ, olarnı limanlarına qaytarmağa başladılar. Hususan, oraq ayınıñ 8-nde "Suspilne Studiya" canlı yayınında "Barıştırıcı" Merkeziniñ SeaKrime leyhasınıñ jurnalisti Katerına Yaresko böyle bir adise aqqında taqif etti.
"Evelden yüklengen tanker Rostovğa qayttı — ya yaralandı, ya da qorqtı. Böyle bir tendentsiya endi bar", — dep tarif etti jurnalist.
Onıñ aytqanına köre, Azaq deñizinde neft mahsulatı ile tolu tankerler ile pek sıq trafik bar edi. Olarnı işğal etilgen Qırımğa ya da halqara suvlarğa alıp keteler.
"Anda bayağı büyük neft mahsulatı areketi keçe, olar toplanıp, Keriç boğazınıñ kirişinde turalar, bu sebepten anda tintüv kibi vaziyet bar. Azaq deñizindeki Rusiye limanlarında eñ az bir büyük neft bazası bar — Rostov-na-Donu, Taganrog, AzovRFnıñ Rostov vilâyetida, anda demiryol vastasınen neft mahsulatı ketirile ya da Rostovda anda azırlana, soñra tankerlernen çıqarıla — ya da Türkiyege, ya da Qara deñizniñ tarafsız suvlarına ve bu pek "boz" taşuvdır. Bu, Qırım işğalinden evel olğan iqtisadiy cenk faktorlarından biri edi", — dep qoştı Yaresko.
Onıñ malümatına köre, ukrayin dronları tarafından urulğan tankerlerden biri işğal etilgen Keriçke benzinnen kelip oldı.
Hatırlatamız ki, daa evel USQniñ Arbiy deñiz quvetleriniñ spikeri Dmıtro Pletençuk Suspilne canlı yayınında Rusiye işğal etilgen Qırımğa yanacaq ketirüv meselesini tankerler yardımınen çezmege tırışqanını ayttı.
Onıñ sözlerine köre, Rusiye içün hususiy gemilerniñ ğayıp oluvı o qadar müim degil, yaqarlıq taşıma imkânlarınıñ qısqartılması müimdir.
"Olarnıñ içün gemilerniñ sayısı ve taşımalarnıñ miqdarı müim. Olarnıñ Rusiye ve işğal etilgen Ukrayina limanları, hususan Mariupol ve Berdânsk arasında areket etken boz flotu bar. Bu gemiler çetel limanlarına kirmey, şunıñ içün sanktsiyalar olar içün müim bir şey degil", — dep qayd etti Dmıtro Pletçençuk.
İnsansız sistemalar quvetleriniñ komandanı Robert "Madâr" Brovdi bildirdi ki, soñki 72 saat içinde ukrayin arbiy hızmetçileri 21 gemini urdı, olarnıñ arasında 19 Rusiye kölge flotunıñ tankerleri, bir quru yük taşıyıcısı ve bir paromı bar.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
