Oraq ayınıñ 6-da saba işğalli Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) akimiyeti şeerdeiki 11 yaqarlıq stantsiyasına yaqarlıq berilgeni aqqında bildirdi. A-95 benzini 10 biñ litri ve 33 biñ litr dizel yaqarlığı aqqında laf etemiz.
Telegramda işğalli Sevastopol (Aqyar) "gubernatorı" Razvojayev bu aqqında yazdı.
Onıñ malümatına köre, 95-inci benzinni beş benzin stantsiyasında satacaqlar. Er bir adreste 20 litrlik 100 maşnağa yaqarlıq satılacaq. Elektrik energiyası söndürilgen olsa bile, kanistra toldurmağa yasaq eteler. Böylece, oraq ayınıñ 6-nda işğalciler ealige 10 biñ litrden ziyade A-95 benzinini satmaycaq. Bu, küçük bir benzin vagonınıñ ölçüsidir.
Qoşma malümat: benzinli maşna (avtosisterna) adetince 10-40 biñ litrni teşkil ete.
Dizel yaqıtına kelgende, işğalciler onı Sevastopoldaki (Aqyardaki) 10 yaqaqlıq stantsiyasında satacaqlarını vade etken ediler — 100-250 maşnağa 20 litr. Umumen, derc etilgen malümatqa köre, oraq ayının 6-nda Seastopolda (Aqyarda) 1670 maşnağa benzinni satmağa planlaştıralar — 33,4 biñ litr.
Yalta ve Feodosiya (KefeRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) şeerlerinde de bugün yaqarlıq satıluvı ilân etile.
Yaltada 4 yaqarlıq stantsiyasında 8 biñ litr dizel ve 4 biñ litr A-95 benzinini satmağa vade eteler. Ödeme tek naqıttan yapıla. Bu arada Feodosiyada (Kefede) 95 benzin fiyatı litr içün 230 ruble (≈133 ğrıvnâ — muar.) oldı.
"Qırım yeli" Telegram kanalınıñ malümatına köre, işğalciler yarımadağa kommunal naqliyat maşnalarında yaqarlıq ketirmege tırışa.
Ruslar de deñiz yolunen yaqarlıq ketirmek ıntıluvlarını devam ettire. Bu gece, USQniñ İnsansız Sistemalar Quvetleriniñ komandanı Robert Brovdiniñ bildirgenine köre, Azaq deñizde işğal etilgen Qırımğa ketirilgen benzinli eki tankerni dronlar urdı. Onıñ malümatına köre, eki tanker Taganrogdan yaqarlıq ketire edi. Er biri 7000 tonna (200 tanker vagonı) yükley edi.
Aynı zamanda oraq ayınıñ 6-da "Qırım başı" Aksönovnıñ mesleatçısı Oleg Krüçkov Telegramda yazğanına köre, işğalli memurlar bir sıra suallerge izaat bermekten vazgeçeler.
"Zenaatdaşlarım, Qırımdaki vaziyet qıyın, cenk kete, er kes gece-kündüz çalışa. Logistika, teminat, naqliyat ve diger meseleler boyunca izaat bermeycekmiz", — dep yazdı o.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
