Bu gece Sevastopolda (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adda) İSQniñ "Ptahı Madâra" bölükleriniñ askerleri benzinnen eki tankerni urdılar. Ukrayina arbiy hızmetçileriniñ malümatına köre, onı işğal etilgen Qırımğa alıp ketecek ediler.
Oraq ayınıñ 6-nda Facebookta USQniñ İnsansız sistemalar quvetleriniñ komandanı Robert Brovdi bunı bildirdi ve tafsilâtlarnı daa soñra aydınlatmağa söz berdi.
"Azaq deñizinde Qırımğa ketken eki Taganrog benzinli tanker zapt etildi, quruda — eki S-400 "Triumf" ZRK, Keriçteki neft bazası ve "Nebo-U" RLS yandı", — dep yazdı "Madâr" oraq ayınıñ 6-nda gece Qırımdaki ücümlerniñ neticeleri aqqında.
Onıñ aytqanına köre, eki tanker15781 leyhalı tanker Azaq deñizinden Qırımğa Taganrogdan yaqarlıq ketirgen edi. Er biri 7000 tonna (200 tanker-tsisterna) yükley edi.
"Bu tankerler Rusiye Federatsiyasınıñ yaqarlıq logistikasınıñ müim qısmıdır. Olar, neft istisalhaneleri ve yaqarlıq teminatı arasında neft mahsulatınıñ taşıması içün qullanıla", — dep qoştı Mahsus operatsiyalar quvetleri.
Bundan ğayrı, Robert Brovdi işğal etilgen Keriçteki neft bazasınıñ, S-400 "Triumf" uzun mesafeli zenit-raketa kompleksiniñ eki başlanğıç qurulışınıñ ve "Nebo-U" RLSnıñ zarar körgenini tasdıqladı.
"İSQniñ Ptahı tarafından ateşke oğratılğan, Azaq deñizinde buşunğan eki benzin tankerini yaqqanı, Keriçteki yanğan neft bazasını ve diger müim obyektlerni yaqqanı aqqında — biraz soñra. Biz dayanacaqmız, Moskva yatacaq, Qırımnı qaytarıp tikleycekmiz", — dep yazdı o.
"Madâr" Simferopol (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) ast stantsiyasınıñ zarar körgenini de tasdıqladı.
"Simferopolnıñ (Aqmescitniñ — terciman) 330 kV PS magistral elektrik ağınıñ esas obyektine kütleviy ücüm etildi", — dep aytıla haberde.
Hatırlatamız ki, Ukrayina havfsızlıq hızmeti vaqtınca işğal etilgen Qırım toprağında operatsiya keçirgenini bildirdi, onıñ neticesinde "Ğvardiyske" ava limanındaki üç aviatsiya tehnikası anbarı, Simferopol (Aqmescit) civarındaki "Pantsir-S2" zenit raketa kompleksi, Keriçteki mobil ateş taqımı, "TES-Terminal-1" neft bazasındaki neft mahsulatlarınen rezervuar ve pompa stantsiyası zarar kördi.
"UHH vaqtınca işğal etilgen Qırım MC toprağında muvafaqiyetli ameliyat keçirdi. "Ğvardiyske" ava limanında üç uçaq tehnikası anbarı zarar kördi. Bundan da ğayrı, Simferopol (Aqmescit — terciman) civarındaki "Pantsir-S2" zenit raketa kompleksini, Keriçte mobil ateş gruppasını, neft mahsulatlarınen rezervuarnı ve "TES-Terminal-1" neft bazasındaki pompa stantsiyasını urdı", — dep aytıla haberde.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
