Oraq ayınıñ 6-nda gece işğal etilgen Qırımda patlavlar aqqında haber etilgen soñ, bazı mesken yerler elektriksiz oldı. İşğalli akimiyet Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) energetik astyapılarına ücüm etilgenini ve yarıqnıñ qısmen ğayrıdan tiklengenini bildirdi. Kâinat yoldaşlarından alınğan malümatqa köre, yanğınlar Simferopol (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) civarındaki stantsiyalarda, Keriç limanında ve "Üvardiysle" ava limanında qayd etile.
Saba işğalli Sevastopol (Aqyar) akimiyeti Sevastopolda (Aqyarda) elektrik teminatı ğayrıdan tiklengeni aqqında bildirdi.
"Bizim energetiklerimiz aman-aman bütün obyektlerni yedek shemalar boyunca yañartıp oldı, ve Sevastopoldaki (Aqyardaki — terciman) mesken evlerniñ çoqusına yarıq qayttı. Sistema operatorı sıñırlavlarnı lâğu etkeni kibi, diger qullanıcılar da adım-adım qoşulacaq. Lütfen, diqqatlı oluñız: bir kereden bütün küçlü elektrik aletlerini açmañız. Sistemanıñ stabilleşmesi içün ağ üzerindeki yükni yavaş-yavaş arttırmaq kerek. Bölgemiz tışında elektrik ağlarınıñ aşırı yüklenüvini yoq etmek ve bütün energetik sistemada qazağa yol bermemek içün bugün elektrik teminatıñ vaqtınca sıñırlanması ola bilir", — dep yazdı Telegramda işğalli Sevastopol (Aqyar) "gubernatorı" Razvojayev.
Daa evel o, şeerniñ energiya astyapılarına ücüm etilgeni sebebinden şeerniñ energiyasız qalğanını beyan etti.
İşğal etilgen Qırımda Bağçasaray ve Yalta şeerlerinde elektrik yoq oldı.
Soñra Aluşta şeeriniñ işğalli "başı" Galina Ogneva Qırımnıñ bütün Cenübiy yalısı ve Simferopolnıñ (Aqmescitniñ) elektrik teminatından kesilgenini bildirdi. Aluştada rayon hastahanesi ve eki kanalizatsiya pompa stantsiyası elektriknen temin etildi.
"Tek nevbet-dispetçer hızmetiniñ malümatına köre, yüksek voltlu elektrik ağı bozulğanı sebebinden Qırımnıñ bütün Cenübiy yalısında ve Simferopolda (Aqmescitte — terciman) elektrik kesilüvi oldı. Saba saat 8:00-de Aluşta şeerine 2 MVt küç berilgen edi. İlk evelâ Aluşta rayon hastahanesi ve eki kanalizatsiya pompa stantsiyası elektriknen temin etildi", — dep yazdı o.
Qırımtatar Milliy Meclisiniñ Reisi Refat Çubarov yarımadanıñ vatandaşlarını tatlı suv, ilâc ve aşayt mahsulatını yedeklemege çağırdı.
"Rusiye işğali altında bulunğan Qırımda adiy insanlar tatlı suv, aşayt malları, ilâclar ve çıqarlarnı eñ az 2-3 ayğa yedeklemege kerekler. Elektrik bankaları, fenerler, batareya yedekleri ve diger avtonom energiya menbalarını evelden azırlamaq tevsiye etile", — dep yazdı o, Telegramda.
Ukrayina mudafaa naziriniñ cebede UUAni qullanuvınıñ arttırılması meseleleri mesleatçısı Serğiy Sternenko bildirdi ki, bu gece ücüm altında Simferopol (Aqmescit), Keriç ve "Ğvardiyske" ava limanı buluna edi.
"Yanğınlar böyle obyektlerde qayd etile — Keriç limanı toprağı, "Simferopol" 330 kV elektrik ast stantsiyası ve mobil gaz turbina elektrik stantsiyası rayonı, "Ğvardiyske" ava bazasınıñ toprağı", — dep yazdı o.
"Qırım yeli" Telegram kanalı Stroğonivka köyünde Simferopol (Aqmescit) yanındaki elektrik stantsiyasında yanğın aqqında haber ete.
Kanal, kâinat yoldaşınıñ resimlerinden alınğan malümatqa esaslanıp, "Ğvardiyske" ava limanında yanğın aqqında bildire. Anda gece patlavlar oldı.
Onıñ malümatına köre, bu gece de patlavlar Qırımnıñ Keriç şeerinde qayd etilgen edi. Birinciden, deñiz limanındaki neft-gaz terminalında yanğın oldı.
Simferopol (Aqmescit), Keriç ve "Ğvardiyske" ava limanındaki yanğınlar aqqında "Exilenova+" ukrayin kanalı haber ete.
Oraq ayınıñ 5-nde de Ukrayina Mudafaa quvetleri "Ğvardiyske" ava limanını ücüm etti. USQniñ Baş ştabınıñ malümatına köre, o, operativ-taktik ve deñiz aviatsiyasınıñ uçaqları içün, arbiy uçuşlarnıñ temin etilmesi, logistika ve Rusiye aviatsiya tehnikasınıñ tehnikiy baqıluvı içün qullanıla.
Bundan da ğayrı, oraq ayınıñ 6-nda gece işğalciler eki saat devamında Qırım köpründen areketni qapattılar — saat 02:24 — 04:28 arasında.
Ukrayina tarafı bu ücümlerni şimdilik tasdıqlamadı.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
