İşğal etilgen Qırımdaki yaqarlıq buhranı sebebinden tükânlarğa mahsulat berilmesi toqtatıldı, sakinler ise çoq saqlanılğan mallarnı kütleviy şekilde satın ala. Yaltada ötmek zavodınıñ işi toqtatılğanı aqqında haberler peyda oldı.
Qırım ve Sevastopoldaki (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki addaki) aşayt mahsulatınen bağlı vaziyet aqqında ilk yaz ayınıñ 24-nde ForPost işğalli neşiri bu aqqında yazdı.
Matbuat vastalarınıñ malümatına köre, yarımada tükânlarınğa yaqarlıq buhranı sebebinden aşayt mallarınıñ ketirilmesi qısqartıldı. Tükân hadimlerinden biriniñ aytqanına köre, bazı mallar aftada bir kere kele, amma, misal içün, Rusiyeniñ Krasnodar şeerinden buzlu dondurmanı bir buçuq aftadan berli kelmey. Onıñ aytqanına köre, şeker paalılaştı, ve tükânlarda un ve makaron yoq.
"Bazı mallar — un, bazı istisalcılarnıñ makaronı — anbarlarda yoq. Qıtadan adamlar ketirmege qorqalar, Simferopoldaki (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adteki — terciman) ambarlardan ise ketirmeknen yaqarlıq qıtlığı sebebinden mesele bar. Meselâ, Krasnodardan kelgen meşur dondurma aman-aman bir buçuq aftadan berli ketirilmey edi. Fiyatlar da köterile. Şeker fiyatı 98 ruble edi, şimdi 100 ruble", — dep ayttı tükân müdiri.
Onıñ aytqanına köre, yaqarlıq iqtisadiyatı içün işğal etilgen Canköyden süt mahsulatınıñ siparişlerini aftada bir kerege qadar eksilttiler. Bundan da ğayrı, tedarikçi sipariş miqdarınıñ fiyatını on qat arttırdı — eñ az 10-15 biñ rublege (≈5-7,5 biñ ğrıvnâ) qadar ketire.
Bu arada işğalli Sevastopol (Aqyar) memurları "mediya"ğa şeerde bir aftadan bir ayğa qadar mahsulat yedekleri bar olğanını aytalar.
Qırımdaki ticaret ceetinden gigantlarğa kelgende, olar aşayt mallarını yedeklegen eali arasında olğan qarışıqlıqtan şikâyet eteler.
"Anbarlarda yedekler bar, lâkin olarnı vaqıtında toldurmasañız, bitecek. Buña ise, şimdi yaqarlıq qıtlığı sebebinden deñişken teminat tsikli kerek", — dep ayttı "Yabloko" Rusiye mallar ağınıñ müdiri Tetâna Pikalova.
İnternette Yaltadaki ötmek zavodınıñ işi toqtatılğanı aqqında malümat peyda oldı. Şeer sakini turistlerge muracaat etip, olarnı "sahte resim yaratqanı"nda qabaatladı. Onıñ aytqanına köre, Rusiye turistleri yarımadağa benzin ve bazı aşayt mallarınen kele bileler. Yerli eali ise farqlı kerçeklikte yaşay.
"Bugün saba ötmek zzavodımız yaqarlıq yoq olğanı içün işini toqtattı. Yaqarlıq yoq, demek ki, Yaltada er kün tükânlarğa aşayt mallarını ketirgen ötmek zavodı çalışmay. Men anda iş içün ketken edim, tükânlarda kilometrler boyu nevbetler bar edi. Qalğan ötmektni tez alalar, er kes un ve yağ almağa çapa. İnanıñız, bu bir meseledir. Çünki böyle açlıq eksikligi başlana", — dep ayttı qadın.
Yaltanıñ işğalcl akimiyeti bu malümatnı izaatlamadı, amma "iqtisat rejimi"ni ilân etti. İşğalciler şimdi çöplükni daa az alıp taşlaycaqlar, şeerde tamir işleri ve qurucılıq ise belli olmağan müddetke toqtatılacaq.
Daa evel Canköyden ötmek teminatınıñ bozuluvı aqqında haber etilgen edi.
"Aşayt, qurucılıq malzemeleri ve yaqarlıq meseleleri tek Qırımda degil, Geniçesk rayonında da (Herson vilâyeti — muar.) bar. Aşay mahsulatınıñ çoqusı mında Caköyden ketirile edi, şu cümleden ötmek de. (...) Bazı mallar bar, amma olarnı 1 ya da 3 kilogrammğa sıñırlaylar. İnsanlar botqa, un, şekerni saqlamağa tırışalar", — dep tarif etti Bariyev.
Qırımtatar Milliy Meclisiniñ azası Riza Şevkiyevniñ aytqanına köre, Qırımda insanlar aşsız qalmaqtan ğayrı, Rusiye arbiy hızmetçileri tarafından hırsızlıqlardan qorqalar.
Azıq malları meselesi, Simferopolad ve onıñ civarında er şey satın alalar — şeker, pirniç, botqa, yağ, panika. Benzin tapmaq imkânsız — maşinalar toqtatıldı, taksi çalışmay. Bir buhran oldı. İnsanlar qorqalar ki, aş olmasa, "SVOcılar" taqımı evlerge kelip, hırsızlaycaq", — dep tarif etti qırımtatar.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
