"Şimdi Qırımdaki vaziyet deşettir", — QMMniñ azası Riza Şevkiyev

İşğal etilgen Qırım sakinleri patlavlardan, elektrik energiyasınıñ kesilüvinden ve aşayt malları ve yaqarlıq taminatındaki bozulmalardan qorqala. Qırımtatar Milliy Meclisiniñ azası Riza Şevkiyevniñ aytqanına köre, Qırım sakinleri kütleviy şekilde aşayt mallarnı alalar, hırsızlıqtan qorqalar ve yarımadanıñ tez vaqıtta azat etilmesini isteyler.

İlk yaz ayınıñ 23-nde o, Suspilne canlı yayınında bu aqqında haber berdi.

"Açıq aytqanda, şimdi Qırımdaki vaziyet deşettir. Bütün tanışlarım, dostlarım, qonuşqanlarım bu patlavlar aqqında bildireler. Gece yarısı bile telefon eteler. Olar şifrelendire, çünki olarnı diñleyceklerinden qorqalar. Biloğirsk, Simferopol rayonlarından, Saq, Yevpatoriya rayonlarından haberler kele. İnsanlar qasevetleneler, raatsızlana ve aileleri içün qorqqanları normaldır. Lâkin episi bir ağızdan, azatlıq tez olsun dep, dayanmağa azır olğanını aytalar. Ve olar episi aynı şekilde tüşüneler", — dep bildirdi Şevkiyev.

"Şimdi Qırımdaki vaziyet deşettir", — Riza Şevkiyev

Riza Şevkiyev. Скриншот з прямого етеру Суспільного 23 червня 2026 року

Patlavlardan ğayrı, insanlar aşlıq buhranından qorqalar, dep ayttı siyasetçi. Onıñ aytqanına köre, Qırımda elektrik söndürilgeni sebebinden insanlar işsiz otura, aşayt mallarını toplamağa tırışa ve rus ealisi tarafından hırsızlıqtan qorqa.

"Aqşamdan berli elektrik söndürildi. İşğalciler, söndürüvlerniñ planlaştırılğanı aqqında bildireler. Olarğa işke çıqmamağa rica ettiler, çünki elektrik olmaycaq. Men grafik olıp-olmağanını soradım, amma grafik yoq. Bütün rayonlar elektriksiz olıp qala. Olarnıñ tek Rusiye ilâcları bar, ekimler ise olarnı qullanmağa tevsiye etmey ve çetel ilâclarını qıdırmağa tevsiye ete, bunı yapmaq imkânsız. Türkiyeden birisini yollaycaqlar. Azıq malları meselesi, Simferopolad ve onıñ civarında er şey satın alalar — şeker, pirniç, botqa, yağ, panika. Benzin tapmaq imkânsız — maşinalar toqtatıldı, taksi çalışmay. Bir buhran oldı. İnsanlar qorqalar ki, aş olmasa, "SVOrusiye arbiy hızmetçileri, Ukrayinağa qarşı cenk iştirakçilericılar" taqımı evlerge kelip, hırsızlaycaq", — dep tarif etti qırımtatar.

Читати ще