Ukrayina Silâlı quvetleriniñ İnsansız sistemalar quvetleriniñ "Reyd" 413-ünci polkunıñ operatorları ilk yaz ayınıñ 19-nda gece işğal etilgen Qırımnıñ Tarhan Qut yarımadasındaki Dozorne köyü civarında yerleşken Ğlibivsk yerastı gaz anbarınıñ (YGA) obyektlerine ücüm etti. Yarımadadaki tek gaz anbarı budır.
İSQniñ 413-nci "Reyd" polku Facebookta bunı bildirdi.
"Gaz anbarınıñ yerastı inşaatları kritik zarar kördi. Onıñ toprağında yanğın çıqtı, NASA FIRMS uydu nezareti hızmetiniñ malümatları bunı tasdıqlay. Obyekt Fire Point ukrayin şirketiniñ middle strike türlü dronlarından zarar kördi", — dep haberde qayd etildi.
Ukrayina arbiy hızmetçileri, Qırımdaki tek gaz anbarınıñ maqsadı, suvuqlıq vaqtında ya da qullanuvnıñ eñ yüksek vaqtında tezce büyük gaz miqdarını bergenini añlattı. İşğalcilerniñ yarımadadaki arbiy obyektleri bu SESdan temin etilgen elektrik energiyasına muhtac.
"YGAnıñ normal çalışması işğal etilgen Qırımnıñ energetik sisteması içün pek müimdir, onıñ bütün büyük issilik ve elektrik stantsiyaları (bu cümleden Balıqlava ve Tavriya SES) esas yaqarlıq olaraq tabiiy gaznen çalışa", — dep haberde qayd etildi.
Daa evel Baş ştab, ilk yaz ayınıñ 18-de gece Mudafaa quvetleriniñ bölükleri vaqtınca işğal etilgen Qırımnıñ Rozodolne rayonında Şimaliy-Qırım kanalından keçken demiryol köprüne ücüm etkenini tasdıqladı.
Ertesi künü USQniñ Mahsus operatsiyalar quvetleri bu demiryol köprüniñ bozulğanını kösterdi.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
