Ukrayina Silâlı quvetleriniñ Mahsus operatsiyalar quvetleri, işğal etilgen Qırımda ilk yaz ayınıñ 18-nde Perekop (Or QapuRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) rayonında Rozodolne civarında Şimaliy Qırım kanalından demiryol köprüniñ bozulğanını kösterdi.
İlk yaz ayınıñ 19-nda USQniñ MOQniñ Komandanlığınıñ Facebook saifesinde bu aqqında yazılğan.
"Duşman logistikalarınıñ yoq etilmesi aqqında tafsilâtları soñra olur, şimdi ise Ukrayina MOQniñ MiddleStrike dron operatorlarınıñ sistematik işiniñ bir parçası! Bu sefer ilk yaz ayınıñ 18-de gece MiddleStrikeniñ Ballist bölügi Rozdolne qasabası civarında Şimaliy-Qırım kanalından keçken demiryol köprüni bozdı", — dep Ukrayina arbiy hızmetçileri qayd ettiler.
Hatırlatamız ki, ilk yaz ayınıñ 16-nda ve 17-nde gece Ukrayina Mudafaa quvetleriniñ bölükleri Rusiye ordusınıñ arbiy ve logistik obyektlerine ücüm etti. Zarar körgen obyektler arasında Rusiye Federatsiyasınıñ kölge flotunıñ Qara deñizdeki tankerleri ve işğalcilerniñ arbiy logistikasını temin etmek içün qullanılğan eki avtomobil köprü bar.
Bundan da ğayrı, ilk yaz ayınıñ 11-de gece Ukrayina mudafaa quvetleri tarafından Preobrajenka ve Mırne rayonlarında Şimaliy Qırım kanalından köpürler, em de Stavkı rayonında ve Perekop—Ermeni Bazar yönelişinde köpürler ücümge oğradı.
Dmıtro Kotsübaylo adına Birinci ayrı ücüm polkunıñ komandanı Dmıtro Filatov "Perun" lağabınen Ermeni Bazar yanındaki köpürge ücüm tafsilâtlarını añlattı. Bu, işğalciler içün Qırımnen bağlanğan eki yoldan biri edi.
Bundan soñ işğalcilerge Qırım yarımadasına tam miqdarda logistika temin etmek daa da qıyın olacaq, dep eminliknen İşğalni tedqiq etüv merkeziniñ reberi Petro Andrüşçenko ayttı. Tafsilâtlarnı Suspilne Qırımnıñ maqalesinde oquñız.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
