İlk yaz ayınıñ 18-nde ve 19-nda gece Ukrayina mudafaa quvetleri işğal etilgen Qırımnıñ Rozodolne ve Vladıslavivka rayonlarında demiryol köpürlerine ücüm etti.
USQniñ Baş ştabı Facebookta bu aqqında haber etti.
"Qayd etilgen obyektler işğalli Rusiye ordusınıñ arbiy naqliyatı ve teminatı içün duşman tarafından qullanılğan edi", — dep haberde qayd etildi.
Daa evel Baş ştab, ilk yaz ayınıñ 18-de gece Mudafaa quvetleriniñ bölükleri vaqtınca işğal etilgen Qırımnıñ Rozodolne rayonında Şimaliy-Qırım kanalından keçken demiryol köpürine ücüm etkenini tasdıqladı.
Ertesi künü Ukrayina SQniñ Mahsus operatsiyalar quvetleri bu demiryol köprüniñ bozulğanını kösterdi.
Bundan da ğayrı, ilk yaz ayınıñ 16-nda ve 17-nde gece Ukrayina Mudafaa quvetleriniñ bölükleri Rusiye ordusınıñ arbiy ve logistik obyektlerine ücüm etti. Zarar körgen obyektler arasında Rusiye Federatsiyasınıñ kölge flotunıñ Qara deñizdeki tankerleri ve işğalcilerniñ arbiy logistikasını temin etmek içün qullanılğan eki avtomobil köprü bar.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
