İşğal etilgen Qırım parlamentiniñ eki "mebusı"na ğıyabiy şekilde duşmannen işbirlik faaliyetiUkrayina CQniñ 111-1-nci maddesiniñ 5-nci qısmınde şübe bildirildi. Olar 2024 senesi Qırımda keçirilgen qanunsız saylavlarda iştirak ettiler, neticesinde "mebuslar" oldılar. Ekisi de 10 yılğa qadar apis cezasını ala bilir.
İlk yaz ayınıñ 17-nde Qırım Muhtar Cumhuriyeti ve Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) şeeri prokurorlığı bunı bildirdi.
Müessise şübelengen mebuslarnıñ adları aytmadı, lâkin Suspilne Qırımnıñ haberdar menbaları, söz Viktoria Bilan ve Volodımır Nikolayenko aqqında ketkenini anonim şekilde bildirdi.
"Qırım Cumhuriyeti İqtisadiy inkişaf naziriniñ muavini vazifesinde bulunğanlardan biri, vaqtınca işğal etilgen yarımadanıñ Rusiye Federatsiyasınıñ iqtisadiy sistemasına integratsiyasında iştirak etken edi. Diger mabüs işğalli "qabarcılıqnen küreş eyyeti"niñ erkânında çalışıp, işğal etilgen topraqta qanunsız akimiyet organlarınıñ sistemasını pekitüvde iştirak etti", — dep Ukrayina havfsızlıq hızmetiniñ Qırım Muhtar Cumhuriyetindeki baş idaresi Facebookta bildirdi.
Qırım Muhtar Cumhuriyeti prokurorlığı qayd etti ki, öz vazifelerinde "Yedinaya Rossiya" ve "Spravedlivaya Rossiya" firqalarınıñ eki "mebusı" işğal etilgen Qırımda Rusiye Federatsiyasınıñ siyasetini amelge keçirmege ve "yarımadada işğalli akimiyet organları sistemasınıñ çalışmasını temin etmege" devam ete.
Bundan evel Qırım Muhtar Cumhuriyetiniñ VI çağıruv Yuqarı Şurasınıñ mebusı, Qırımnıñ Rusiye ordusı tarafından işğal etilgenini gizlemek ve bu areketlerni qanunlaştırmaq içün qanunsız qararlar qabul etken edi, devlet hainligi içün 14 yıllıq apis cezasını aldı.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
