Qırımnıñ Rusiye ordusı tarafından işğal etilgenini gizlemek ve bu areketlerni qanunlaştırmaq içün qanunsız qararlar qabul etken Qırım Muhtar Cumhuriyeti Yuqarı Şurasınıñ VI çağıruvnıñ mebusı devlet hainligiUkrayina CQniñ 111-nci maddesiniñ 1-nci qısmı içün 14 yılğa mahküm etildi.
İlk yaz ayınıñ 15-nde Qırım MC ve Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) şeeri prokurorlığı bunı bildirdi.
Olarnıñ malümatına köre, o, diger mebuslarnen beraber "Qırım sakinleriniñ serbest iradesini ifade etüv" resmini köstermek içün "umumiy Qırım referendumı" keçirilmesi aqqında qarar qabul ete edi.
Bundan da ğayrı, mahküm etilgen adam "Qırım MC ve Sevastopol şeeriniñ mustaqilligi aqqında beyanname" qararına, "Qırımnıñ Rusiye Federatsiyasınıñ terkibine kirmesi"ni közde tutqan qararğa, "Qırım mustaqilligi", "Qırım Cumhuriyetiniñ teslimiyeti" ve "Qırım Cumhuriyeti Anayasası" qararına rey berdi.
Prokurorlıq onıñ adını bildirmedi, lâkin Suspilne Qırımnıñ bir menbası anonim şekilde söz Remzi İlyasov aqqında ketkenini bildirdi.
Yarımada işğal etilgen soñ İlyasov qanunsız şekilde teşkil etilgen saylavlarda iştirak etti, neticesinde işğalciler onı "Yedinaya Rossiya" firqasından "I çağırılış Qırım Cumhuriyeti Devlet Şurası"na sayladılar.
"Böyleliknen, "mebus" Qırım yarımadasında işğalli Rusiye akimiyetiniñ işke tüşürilmesine yardım etti, em de istilâcı devletke Ukrayinağa qarşı bozuv faaliyetini alıp barmaqta yardım etti", — dep haberde qayd etildi.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
