İlk yaz ayınıñ 17-nden itibaren işğal etilgen Qırımda mototsikl, moped, kvadrotsikl ve diger mototsikl tehnikalarınıñ areketine yasaqlar kirsetilecek. Saat 20:00-06:00 qadar.
İlk yaz ayınıñ 16-nda Qırım "başı" Sergey Aksönov Telegramda "emri"ne esaslanıp, bunı bildirdi.
"2026 senesi ilk yaz ayınıñ 17-den itibaren ve ayrı bir emirge binaen mototsikl, motoped, pitbayk, kvadrotsikl, motorollerler ve diger mototsikl tehnikalarınıñ areketine muvaqqat sıñırlama kirsetile. Sıñırlavlar saat 8-den saba 6-ğa qadar devam etecek. Alınğan tedbirlerniñ esas maqsadı — cemaat telükesizligini temin etüv, arbiy, müim devlet ve mahsus obyektlerniñ qoruvı", — dep o bildirdi.
İlk yaz ayının 10-nda işğal etilgen Qırımda gece yolcu trenleriniñ areketi yasaq etildi. Rusiyeden kelgen bütün gece trenleri Keriçte yolunı bitecek, Simferopol (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad), Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad), Yevpatoriya (KezlevRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) ve diger şeerlerge yolcular avtobuslarnen ketirilecek. Böylece, işğal etilgen Qırımda saat 23:00-dan 05:00-ke qadar yolcu demiryol alâqası toqtatıla.
Hatırlatamız ki, ilk yaz ayınıñ 14-nde USQniñ İnsansız sistemalar quvetleri Rusiye arbiy hızmetçileriniñ işğal etilgen Qırımdaki beş deñiz radiolokatsiya stantsiyasına ücüm etti.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
