İlk yaz ayınıñ 14-nde USQniñ İnsansız sistemalar quvetleri işğal etilgen Qırımdaki beş yalı radiolokatsiya stantsiyasını (RLS) urdı.
İlk yaz ayınıñ 16-nda Ukrayina Silâlı quvetleriniñ İSQ Facebookta bu aqqında haber etti.
"Vaqtınca işğal etilgen Qırımda 1-inci ayrı merkezniñ operatorları duşmannıñ beş yalı RLSnı urdılar", — dep haberde qayd etildi.
İlk yaz ayınıñ 14 künü RLS Snijne, Tarhan Qut, Severne ve Portove mesken yerlerinde ücüm etti.
Hatırlatamız ki, ilk yaz ayınıñ 11-nde Ukrayina Silâlı quvetleriniñ Baş ştabı işğal etilgen Qırımnıñ Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) şeerindeki deñiz insansız katerlerniñ istisalı ve donatması obyektiniñ zarar körgenini bildirdi. Bundan da ğayrı, ukrayin quvetleri Ğrığorivka köyü civarındaki uçucısız uçaq aletleri anbarına ücüm etti.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
