Çonğarda yük maşinaları, ponton, "Canköy" ve demiryol köprüsi zararlandı

İlk yaz ayınıñ 13-nde gece Mudafaa quvetleri Çonğaru rayonında, tünevin arbiy yük maşnalarınıñ nevbetleri toplanğan, ponton keçitine ücüm etti. Bu resimlerni Azatlıq Radiosınıñ rus hızmeti derc etken edi. Bundan ğayrı, ukrayin arbiyleri Çonğarda "Canköy" ve demiryol köprüsine zarar ketirdiler.

İlk yaz ayınıñ 13-nde dron darbeleriniñ videosı Dmıtro Kotsubayl adına Ukrayina topraq quvetleriniñ birinci ayrı ücüm polkunıñ Facebook saifesinde derc etildi.

"Canköy keçiş noqtası, demiryol köprü, Çonğarda köpür ve yük maşinaları tesir etti. Nasıl olğanını köstereyik. Ğalebe logistikanen oğraşmağa başlayıq. Qırım ve keçişlerniñ ğayrıdan tiklenüv ıntıluvlarınıñ blok etilmesi. Pontonlarnıñ keçiriş qabiliyeti pek alçaq, olarnıñ ögünde yük maşinaları toplanmağa mecbur, olar bizim maqsadımız olalar. Bu yönelişte kerek olğan neticelerge irişildi, olarnı Ukrayina Silâlı quvetleriniñ baş komandanı ve Yuqarı komandan belgiledi. Bizler ilerlemek içün duşmannıñ qanını tökemiz", — dep polkta qayd ettiler.

Dmıtro Kotsübaylo adına Birinci ayrı ücüm polkunıñ komandanı Dmıtro "Perun" Filatov iyünniñ 13-nde "Cemiyet studiyası" efirinde, ponton keçitleri çoq naqliyatnı keçirip olamay, dep tarif etti.

"Bu gece yañı kirüvler oldı. Neticede daa bir müim naqliyat arteriyası zarar kördi — bu sefer demiryolları. Bundan evel Çonğar ve Ermeni köprülerine ücüm etilgen edi. Bundan soñ Rusiye arbiyleri areketni ğayrıdan tiklemek içün bir qaç ponton keçitini yaptı. Bugün de bu keçitlerden biri bozulğan. Ponton keçitleriniñ böyle küçlü qurulışları yoq, ve olarnı bozmaq içün paalı vastalar kerekmey. Bizde bu keçitlerni suvğa batırmaq içün beş biñ dollarlıq vastalar bar", — Filatov dedi.

İlk yaz ayınıñ 13-ne qarşı gecede keçirilgen ameliyat — Dmıtro Kotsübaylo adına 1-inci KÇN ve 475 "CODE 9.2" KÇN "Falanga" çoq domenli ameliyat merkeziniñ umumiy sistematik işiniñ neticesi", — dep arbiyler qoştı.

İlk yaz ayınıñ 13-nde saba işğalciler Herson vilâyetindeki Çongar yönelişindeki köpürlerge yañı gece ücümleri aqqında ilân ettiler. Canköy keçiş noqtasına ketken areket toqtatıldı.

Geniçesk ile Arabatnı bağlağan köpür de ücüm etildi. İşğalci "gubernator" Saldo aytqanına köre, anda reverssiya areketi başlatıldı.

Читати ще