Qırımdaki işğalciler 6 biñ obyektni "milliyleştirdi"

2026 senesi ilk yaz ayına qadar işğalciler Qırımda 500 şahıs ve uquqiy şahıslarğa ait 6 biñ obyektni "milliyleştirdi". Onıñ bir qısmı bazarlarda satıla, qalğanları ise "devletniñ mülkiyetinde" qala ve "qırımlılar içün çalışa". Böyle obyektlerden elde etilgen paralar Ukrayinağa qarşı cenkleşken Rusiye arbiylerine yardım ete.

İlk yaz ayınıñ 5-nde Telegramda "Qırım parlamentiniñ" işğalci reisi Volodımır Konstantinov bu aqqında bildirdi.

Onıñ malümatına köre, 2023-2025 seneleri "milliyleştirilgen" mal-mülkniñ fiyatı 13 mlrd ruble olacaq. Bundan da ğayrı, işğalci akimiyet bu obyektlerniñ 2022-2025 seneleri içün kiralavından 1,4 mlrd ruble aldı.

"Milliyleştirilgen müessiselerniñ faaliyetinden elde etilgen paralar cumhuriyetniñ telükesizligini temin etüvge ve SVOSVO — Mahsus arbiy ameliyat — Rusiye yolbaşçılığı tarafından kirsetilgen ve Rusiyege qoltutqan menbalar tarafından Rusiyeniñ Ukrayinağa 2022 senesinden başlap istilâsını tasvir etmek içün qullanılğan teşviqat efemizmidir. iştirakçilerine qol tutuvğa (4,52 mlrd ruble), em de içtimaiy emiyetli obyektlerniñ quruvı ve tamir etilüvine (9 mlrd ruble) sarf etile", — Konstantinov dedi.

Qural aynıñ 26-nda Rusiyede çetelge çıqqan vatandaşlarnıñ mülküni tevqif etüv aqqında qanun qabul etildi. Qural ayda Volodımır Konstantinov, Rusiyede "Rusiye ordusını itibardan tüşürüvde" qabaatlanğan şahıslarnıñ Qırımda aktivleri barmı-yoqmı teşkermege niyetlengenini bildirdi.

Qırımtatar Resurs Merkezinde bildirdiler ki, bu qanun "çetelde bulunğan Rusiye vatandaşlarını taqip etüv aleti" ola bile.

Vesiqağa binaen, devlet tışında Kremlniñ siyasetine qarşı çıqqan ya da muayyen memuriy maddelerge istinaden diger areketler yapqan rusiyelilerniñ bank esapları, paraları ve diger mülkiyetleri tevqif etile bile.

Ukrayina prezidentiniñ Qırım Muhtar Cumhuriyetindeki daimiy temsilcisiniñ muavini Denis Çistikov Suspilne Qırım içün işğalciler qırımlılarnıñ mülkiyetini nasıl etip zapt etkenini ve buña qarşı nasıl qorçalamaq mümkün olğanını tarif etti.

Читати ще