İlk yaz ayınıñ 3-de gece Ukrayina mudafaa quvetleri işğal etilgen Qırımnıñ Novofedorivka şeerinde "Saq" ava limanında RBSN-4N yaqın navigatsiya radiotehnik sistemasını urdı.
USQniñ Baş ştabı Facebookta bunı bildirdi.
RSBN-4N — bu, uçaqlar içün mahsus radiofenerdir. O, uçaqlarğa doğru yönelişini ve ava limanına mesafelerini belgilemege, ve avtomatik olaraq qoyulğan noqtağa qonmağa ya da avağa köterilmege yardım ete.
Bundan ğayrı, Rusiye toprağında "Sankt-Peterburg" neft terminalı, "Mitsurinsk" "Progress" zavodı zarar kördi, "İlskiy" neft zavodı ve "Zenzevatka" neft pompalav stantsiyası toqtatıldı, vaqtınca işğal etilgen topraqlardaki arbiy obyektler de zarar kördi.
Hatırlatamız ki, işğal etilgen Qırımda ilk yaz ayınıñ 2-de gece ukrayin arbiy hızmetçileri Canköy civarındaki Vıdne şeerinde "Pantsir-S1" raketa-top kompleksini urdı, dep Ukrayina Silâlı quvetleriniñ Baş ştabı haber berdi. Bundan da ğayrı, İnsansız sistemalar quvetleri ilk yaz ayınıñ 2-nde ücüm etilgen bu kompleks ve diger arbiy obyektlerniñ zarar körgenini köstergen videolarnı yayınladı.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
