Vaqtınca işğal etilgen Qırımda 414-ünci "Ptahı Madâra" brigadasınıñ 9-ıncı "Kayros" batalyonınıñ operatorları Rusiye ava mudafaası sistemasınıñ esas elementlerinden biri olğan "Pantsir-S1" zenit raketa-top kompleksini yoq ettiler.
Telegramda Ukrayina Silâlı quvetleriniñ İnsansız sistemalar quvetleri bu aqqında haber etti.
Bundan ğayrı, 1-inci ayrı merkezniñ operatorları işğal etilgen yarımadada Rusiye ordularınıñ komandanlıq noqtasına ücüm etti. Bundan ğayrı, 1454 leyhasınıñ mahsus çekici de zarar kördi.
Aynı vaqıtta "Ptahı Mâdâra" brigadasınıñ operatorları, arbiy hızmetçilerniñ malümatına köre, duşman tarafından istihbarat vastalarını aldatmaq ve zarar ketirmek içün qullanılğan "Pantsir-S1" ZRTK maketini urdı.
Bundan da ğayrı, Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) akimiyeti diger yönelişlerdeki iş neticeleri aqqında bildirdi. Hususan, Mariupolda 1-inci ayrı merkezniñ operatorları "Neva-B" ve "Neva-B2M" yalı radiolokatsitya stantsiyalarına ücüm ettiler.
Donetsk vilâyetinde "Ptahı Madâra" brigadasınıñ operatorları duşmannıñ muvaqqat yerleşüv noqtasına ve arbiy tehnika toplanğan yerge ücüm etip, em de komandanlıq-ştab maşinalarını yoq ettiler. 1-inci ayrı merkezniñ operatorları Rusiye ordularınıñ vaqtınca yerleşüv noqtasına ve uçucısız uçaq aletleriniñ ustalarhanesine de ücüm etti.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
