Mayısnıñ 29-nda saba işğal etilgen Qırımda patlavlar yüz berdi, işğalciler ise uçucısız uçaq aletleriniñ ücümi aqqında tenbiyelediler. İşğalli Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) "gubernatorı" Razvojayev Şimaliy tarafında dronlarnıñ tüşürilgeni aqqında bildirdi.
O, Telegramda bu aqqında yazdı.
"Sevastopolda arbiy hızmetçiler USQUkrayina Silâlı quvetleriniñ saba ücümini toqtattı. Üç UUA Şimaliy tarafında, deñiz üstünde uruldı. İç bir vatandaş obyekti zarar körmedi", — dep Razvojayev bildirdi.
Mayısnıñ 29-nda saat 07:47-08:07 arasında işğal etilgen Sevastopolda (Aqyarda) telüke ilân etilgen edi. İşğalli "FVNFevqulâde vaziyetler nazirligi" yarımada sakinlerini saat 7:12-den saat 8:00-ğa qadar don telükesi aqqında tenbiyeley edi.
Yarımadanıñ diger qısımlarında da aynı şekilde gürülti oldı. "Qırım yeli" Telegram kanalınıñ abunecileri saat 07:40-da Saq civarındaki Yevpatoriya (KezlevRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) rayonında eki patlav aqqında haber etti, Novofedorivka ava limanından ise dron uçtı ve eki raketa ateşke berildi. Saat 07:53 Rusiye AMS çalışıp başladı.
Şaatlarnıñ malümatına köre, saat 07:46 Sevastopolda (Aqyarda), Fiolent burnu rayonında patlavlar oldı.
Ukraiyna tarafı mayısnıñ 29-nda işğal etilgen Qırımğa ücüm aqqında resmiy izaat bermedi.
Hatırlatamız ki, Ukrayina Silâlı quvetleriniñ Baş ştabı bildirdi ki, mayısnıñ 28-ne keçer gecesi Mudafaa quvetleriniñ bölükleri Rusiye ordusınıñ bir sıra müim obyektlerine ücüm etti. Hususan, işğal etilgen Feodosiyada (KefeRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adde) "ST-68" radiolokatsiya stantsiyası zarar kördi.
Bundan da ğayrı, Ukrayina Silâlı quvetleriniñ Baş ştabı mayısnıñ 27-de gece Storm Shadow raketaları tarafından Sevastopolda (Aqyarda) Rusiye aviatsiyasınıñ programma-apparat kompleksleri zarar körgenini tasdıqladı.
Bİİ, Qırım-Donetsk yolunıñ qapatılğanı aqqında haber etti. Olarnıñ malümatına köre, vaqtınca işğal etilgen Berdânsk, Melitopol ve Canköy arasındaki yol qısımları ukrayin istihbaratınıñ dron operatorlarınıñ ateş kontrolı altında buluna.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
