Ukrayina Silâlı quvetleriniñ Baş ştabı bildirdi ki, mayısnıñ 28-ne keçer gecesi Mudafaa quvetleriniñ bölükleri Rusiye ordusınıñ bir sıra müim obyektlerine ücüm etti. Hususan, işğal etilgen Feodosiyada (KefeRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adde) "ST-68" radiolokatsiya stantsiyası zarar kördi.
Ukrayina Silâlı quvetleriniñ Baş ştabı Facebookta bunı bildirdi.
"ST-68 RLS, duşmannıñ ava mudafaası sistemasında ava maqsadlarınıñ koordinatlarını tapmaq, taqip etmek ve bildirmek içün qullanıla", — dep Baş ştab añlattı.
Hatırlatamız ki, mayısnıñ 28-ne keçer gecesi Qırımnıñ farqlı rayonlarında patlavlar yüz berdi. "Qırım yeli" Telegram kanalınıñ malümatına köre, işğal etilgen Feodosiyada (Kefede) gece tahminen saat birde dronnıñ uçqanı, atış ve 4 patlav eşitildi.
Bundan ğayrı, Ukrayina Silâlı quvetleriniñ Baş ştabı mayısnıñ 27-de gece Storm Shadow raketaları tarafından Sevastopolda (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adda) Rusiye aviatsiyasınıñ programma-apparat kompleksleri zarar körgenini tasdıqladı.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
