İşğal etilgen Qırımda benzin stantsiyasında yaqarlıq qıtlığı arta. Vaziyetni açıqtan añlatmağa işğalli "yaqarlıq ve energetika naziri" Volodımır Voronkin qarar aldı. Onıñ aytqanına köre, mesele benzin stantsiyalarınıñ yedeklerniñ arttırılması ile bağlıdır.
RİA "Novosti Krım" bu aqqında yazdı.
"Yalıñız bir şey bar — tehnikiy yollama tedbirleri, maalesef, insanlarnı biraz raatsızlay. Teşkilâtlar benzin stantsiyalarınıñ yedeklerini toldurıp olamay. Cumhuriyette yaqarlıqnıñ miqdarı bar, ve onı alıp keteler. Beklemek ya da başqa bir benzin noqtasını tapıp, anda yaqarlıqnı toldurmaq kerek", — dep Voronkin ayttı.
Evel arbiy mütehassıs İvan Stupak Suspilne Qırımğa tefsirinde işğal etilgen yarımadada benzin qıtlığı arbiy areketlernen bağlı olğanını ayttı. Hususan, Qırımdaki quru koridor üzerinde USQmiñ ateş kontroli.
"Rusiye Federatsiyasında ukrayin ücümlerine qarşılıq köstermek imkânı şimdilik yoq, ve yaqılğan tehnikanıñ sayısı işğal etilgen Qırımda yaqarlıq qıtlığınıñ sebebi oldı. Elbette ki, ruslar vaziyetten çıqış yolunı tapacaqlar, barjalar, paromlar, trenler olacaqtır, nasıl olsa da bunı yapacaqlar, amma, menimce, bu, köstergiç bir neticedir", — dep Stupak tüşüne.
Onıñ aytqanına köre, Rusiye aydavcıları, hususan benzin vagonlarınıñ aydavcıları, "Rostov-na-Donu — Canköy" yolundan sipariş almağa red eteler.
Aynı zamanda işğal etilgen Sevastopolda (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad da) ise, bir araba ya da kanistrağa 20 litr yaqarlıq almaq mümkün.
Qırımdan olğan abunecilerniñ malümatına köre, işğal etilgen Sevastopo (Aqyar), Simferopol (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad ), Bağçasaray şeerlerinde ayrı marka benzinniñ yoqluğı ya da umumen boş benzin stantsiyaları sıq-sıq rastkele, dep "Qırım yeli" monitoring Telegram kanalı bildirdi.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
