İşğal etilgen Simferopolda (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adte) ruslar 48 yaşındaki bir adamnı tutıp, "aşırıcılıq"ta qabaatladılar. Tahqiqatnıñ malümatına köre, o, Telegramda "Kreml ve ruslarnı yoq etüv" aqqında yazğan edi. O, 7 yıllıq apis cezası üküm etile bilir.
İşğalli "FSB"ge atfı etip, RİA "Novosti Krım" bu aqqında yazdı.
"48 yaşındaki işsiz Rusiye ve Ukrayina vatandaşı Telegramnıñ ukrayin gruppalarında Rusiye devletçiligi timsali ve Rusiye Federatsiyası prezidentiniñ resmiy rezidentsiyasını yoq etmek içün terroristik faaliyetke çağıruvlarnen bağlı tefsirlerni defalarca yerleştirgeni belli oldı. Bundan da ğayrı, milliy baqışları olğan adam, subet iştirakçilerini ruslarnı öldürmege ve yoq etmege teşviq ete edi", — dep haberde qayd etildi.
Daa evel "Tribunal. Qırım epizodı" teşebbüsiniñ aq qorçalayıcıları, Qırımda quvetçilerniñ Ukrayina tarafdarı olğan insanlarğa qarşı taqiplerge munasebeti deñişkenine diqqat ayırdılar. Olarnıñ malümatına köre, 2025 senesiniñ yazından başlap işğal etilgen yarımadada "aşırıcılıq" ve "terrorizm teşviqatı" boyunca uydurılğan cinaiy davalarnıñ sayısı bayağı arttı.
Читати ще
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
