Ukrayina Prezidenti Volodımır Zelenskıy bildirdi ki, bugün Ukrayina cenkni "ketken yerine — Rusiyege" qaytara. O qayd etti ki, uzun müddetli sanktsiyalar çalışa, Mudafaa quvetleri "küçlü tura", ukrayinalılar ise "dayanıqlıqnı bermek mümkün olmağanı"nı bileler.
Kıyiv şeerinde mayıs ayınıñ 18-nde qırımtatar halqınıñ sürgünlik fedalarını añma tedbirlerinde prezident bunı qayd etti, dep Suspilne Qırım haber berdi.
"Ukrayina halqı ne istegenini bile. Mustaqilliqni bermek mümkün olmağanını bile. Ukrayina toprağınıñ bütün qısımları, bütün territoriyaları ve öz suverenitetiniñ er bir elementi, demek, öz itibarı aqqında hatırlay. Biz insanlarımıznı unutmaymız. Qırımda qarşılıq köstergenler, ruslar tarafından apiske alınğanlar ve tutulğanlarnı. Bütün Qırım esirleri esirlikten azat etilmeliler. Bir er bir insan, er bir taqdir üzerinde çalışamız. Duşmanğa kisme qaldırmaycaqmız", — dep Zelenskıy qayd etti.
Hatırlatamız ki, mayısnıñ 18-nci künü Kıyiv şeerinde qırımtatar halqınıñ sürgünlik fedalarınıñ hatırasını añalar. Adamlar genotsid fedaları memorialına çeçekler ketirdiler, çıqarlar yaqtılar, qorantalarınıñ 1944 senesi vaqiaları aqqında ikâyelerini hatırladılar.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
