Sentinel-1 uydusı işğal etilgen Qırımnıñ yalı boyunda neft mahsulatlarınıñ çıqqanını qayd etti. Hususan, Aluşta ve Rıbalske civarındaki Balıqçı köyü yanında.
İşğalli "Cenübiy federal" kanalı bunı bildirdi.
"Sentinel-1 uydusınıñ radar malümatınıñ tedqiq etilmesi, Qara deñizniñ cenübiy ve cenübiy-şarqiy yalı boylarında yermaylı yerlerniñ bar olğanını köstergen suvda belli olğan qaranlıq lekelerni tapqan. Uydularnıñ malümatına köre, mayısnıñ 12-nde neft lekesi Aluşta rayonından ve Rıbalske köyünden Sudaq yönelişine uzandı. Mayısnıñ 13-nde neft şleyfi Köktebel ve Feodosiya (KefeRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad — terciman) tarafına şarqqa avuştı, amma filmniñ bir qısmı cenübiy yalı boyu körüne edi, '' — dep haberde qayd etildi.
Kirlilik aqqında Rusiye ekologı Georgiy Kavanosân haber etti. O, jurnalistlerge Gurzuf ve Yaltada tapılğan kirlenüvniñ resimlerini taqdim etti.
Hatırlatamız ki, işğalli Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) akimiyeti yalıda mazut taşqını peyda olğanını tanıdı. Olarnıñ malümatına köre, "mayıs bayramları" (mayısnıñ 1-3 künleri — muar.) devamında sakinlerden 12 ariza qabul etildi.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
