Herson vilâyetiniñ sakini İğor Palamarçuk 2022 senesi armannıñ 18-nde Rusiye işğalcileri tarafından hırsızlandı, bundan soñ onıñ ile bağ yoq oldı. İğor ğayıp olğan soñ Herson apishanesinde tutulıp, işğal etilgen Qırımğa avuştırıldı. Qorantası alâ daa onıñ bulunğan yeri ya da sağlığı aqqında iç bir resmiy malümat almadı.
Bunı "Kreml siyasiy mabüslerniñ tuvğanları birleşmesi" bildireldi.
"2022 senesi armannıñ 18-nde Herson vilâyetiniñ Bilozerka şeerinde İgor Palamarçuknıñ evi yanında "bobik" toqtadı. Qara urba kiygen adamlar, İğor ve Svitlanağa, qorantanıñ dostlarına, "subetleşmek kerekmiz", dep ayttılar ve olarnı Prıozerne köyündeki blokpostqa alıp kettiler. Anda olarnı bölgenler: Svitlana üst qattaki odada qaldı, İğor ise yerastı odasına alıp ketirildi. Üç künden soñ Svitlan azat etildi. İşğalciler onıñ aqqında sorasalar, o "qaçtı", dep ayttılar. O, nasıl etip er vaqıt qoruv altında olğan azbardan qaçıp çıqqanını aytmadılar", — dep teşkilât ayttı.
Daa evel, 2022 senesi mayıs ayında, işğalciler onı qanunsız alda, aman-aman on kün devamında azbarda tutqan ediler.
"Onı evge qaytardılar, anasını başta tanımadı — o, pek yaralandı ve yorğun edi. Onıñ aytqanına köre, olarnı er kün kötekley ediler, aş ve suv bermey ediler, adlarını soray ediler. Bir qaç kere onı "ateşke alıp ketkenler", alıp ketkenler, tutqanlar, soñra qaytarğanlar. İgor, tekrar apiske alınacağından qorqqanı içün, tafsilâtlarnı aytmadı", — dep "Siyasiy mabüslerniñ tuvğanları birleşmesi" ayttı.
2022 senesi sabannıñ 1-nde Herson içün uruşta iştirak etti. Ukrayin quvetleri şeerden çıqqan soñ, işğal etilgen köyde qaldı, tükânda çalıştı ve blokpostlar vastasınen mahsulat ketirdi. Qorantası, onıñ faal ukrayin nazar noqtası taqip etilmesine sebep oldı, dep tüşüne. Svitlana aytqanına köre, blok noqtasında işğalciler İgorğa qarşı qabaatlav arizası yazılğanını aytqanlar.
2022 senesi armanıñ 18-nden berli İgornen bağ yoq. Esirlikte onıñnen körüşken insanlarnıñ aytqanına köre, başta onı Herson apishanesinde tuta ediler, soñra Simfeopol (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) ya da Sevastopolğa (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adğa), soñra ise — Taganrogğa avuştırğanlar.
Rusiye tarafından qorantağa resmiy bir izaat berilmedi. Hırsızlanğan vaqıt İğor hronik hastalıqları bar edi. Onıñ apayı onı üç yıldan berli qıdıra, qıdıruv gruppaları, polis ve halqara teşkilâtlar yardımınen.
"Onıñ soñki tasdıqlanğan yeri — Herson apishanesi, 2022 senesi arman ayı", — dep teşkilât qoşa.
Aq qorçalayıcı Zarema Bariyevanıñ malümatına köre, işğalciler İğor Palamarçuknı kerçekten de işğal etilgen Sevastopolğa (Aqyarğa) alıp kettiler.
"2022 senesi arman ayınıñ soñunda işğalcilerniñ apishanelerinde bulunğan İğor Hersondan Sevastopolğa (Aqyarğa — terciman) çıqarılğanı belli oldı. Bu malümatnı onıñnen beraber Sevastopol (Aqyar — terciman) SİZOsında olğan sabıq esirlerden biri tasdıqladı. Esirniñ aytqanına köre, işğalciler olarnı Taganrogğa alıp ketmege planlaştıra ediler, amma Taganrog SİZOsına kelgen soñ esir anda iç bir kere İğornı körmedi. Hersonlı fermacı qayda, onıñ alı nasıl ve onı qayerde qıdırmaq kerek, qorantası bilmey", — dep Bariyeva añlattı.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
