Aq qorçalayıcılar Kukunıñ taqip etilmesinde iştirak etkenlerniñ adlarını derc ettiler

İşğalciler Qırım aq qorçalayıcısı Emir-Usein Kukunı qanunsız sürette sert rejimli müstemlekede 12 yılğa üküm ettiler. Aq qoruyıcılar, onıñ taqip etilmesinde iştirak etken 45 işğalcini qayd etti.

Qırım uquq qorçalayıcı gruppasınıñ "Qırım davaları" bazasında bu malümat derc etildi.

Emir-Usein Kuku 2015 senesi çiçek ayınıñ 20-nde qanunsız tutuluvını filmge çıqarmağa tırışqan qardaşınen beraber tutulğan edi. Aq qorçalayıcı Abdureşit Cepparovnıñ bildirgenine köre, Emir-Useineni saba saat 8:10 Rusiye Federatsiyasınıñ 50-inci bölgesi (Moskva vilâyeti) nomeralarınen beyaz renkli "Gazel" mikroavtobusında kamuflâjlı belgisiz silâlı insanlar alıp ketti.

"Koreiz köy şurasında çalışmaq içün ketken faalcini tutıp, maşinadan çeke başladılar. Adları bildirilmegen şahıslar başta red ettiler, amma soñra şahıslarnıñ vesiqalarını kösterdiler. Bundan soñ Kukunıñ Yaltadaki evi tintildi. Quvetçiler onıñ kompyuteri, kitaplarını ve telefonlarını tutıp aldı. 2015 senesi çiçek ayınıñ 21-nde Emir-Usein azat etilgenini bildirdi, lâkin apiske alınğanından berli büyregi pek ağrıdı. Tutulğan soñ aq qorçalayıcığa RF Ceza qanunnamesiniñ 282-nci maddesini ("Nefret ya da duşmanlıqnı qozğaluv, em de insan itibarını aşalav") bozğanında qabaatlanğan qararnı oqudılar", — dep haberde qayd etildi.

2015 senesi ilk yaz ayınıñ 9-nda Emir-Usein Kuku, onı urğanınen bağlı FSB hadimlerine qarşı cinaiy dava açılmasını red etkenini bildirdi. İlk qış ayınıñ 2-nde oña milletlerara nefret doğurğanından şübe bildirip, FSBge sorğuğa çağırdılar.

2016 senesi kiçik aynıñ 11-nde advokat Emil Kurbedinov Emir-Usein Kukunıñ evi yañıdan tintilgenini ve soñra apiske alınğanını bildirdi.

2016 senesi saban ayınıñ 16-nda onıñ apayı Meryem Kuku, onıñ aqayı Simferopolnıñ (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adniñ) 1-nci SİZOda 16 adamğa azırlanğan kamerada 23 adamnen beraber bulunğanını bildirdi. Bundan da ğayrı, Emir-Usein Kukuğa qarşı "Hizb ut-Tahrir" teşkilâtında iştirak etkeni içün cinaiy dava açılğanı belli oldı.

2017 senesi qara qış ayınıñ 30-nda Rusiye maliye nezareti hızmeti Emir-Usein Kukunı ve "Hizb ut-Tahrirniñ Yalta davası"nıñ diger mabüslerini terroristler ve aşırıcılar cedveline kirsetti.

2019 senesi boş aynıñ 12-nde Rusiye Federatsiyasınıñ Cenübiy bölgeniñ arbiy mahkemesiniñ mahkemecisi Saprunov oña 12 yıllıq apis cezasını berdi.

Emir-Usein Kukunıñ taqip etilmesinde şübelengenler:

Sergey Buşuev — Rusiye FSBsiniñ "Qırım Cumhuriyeti ve Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) şeeri"ndeki taqiqat bölüginiñ baş taqiqatçı-kriminalisti. Rutbesi: adliyecilik mayorı (2025 senesi kiçik aynıñ 4-nde);
Nikolay Vasilçuk — Rusiye Federatsiyasınıñ Cenübiy bölgeniñ arbiy mahkemesiniñ mahkemecisi;
Volkov Dmıtro — Rusiye Federatsiyasınıñ Cenübiy bölgeniñ arbiy bölge prokurorlığınıñ 4-nci bölüginiñ prokurorı, adliye mayorı (10.10.2020 senesi);
Aleksandr Generalov — Rusiye Federatsiyasınıñ Şimaliy-Kavkaz (soñra Cenübiy bölge olaraq adlandırılğan) arbiy istinaf mahkemesiniñ mahkemecisi (23.10.2012 senensinden 2025 senesi saban ayına qadar);
Grişin Sergey — Şimaliy Kavkaz bölgeniñ arbiy mahkemesiniñ mahekemecisi (2013 senesi arman ayınıñ 29-dan itibaren);
Oleg Yegorov — Rusiye Federatsiyasınıñ Apellâtsiya arbiy mahkemesiniñ mahkemecisi (21.11.2019 senesinden ve 2022 senesi qara qış ayında);
İvan Yemelyanov — FSB tahqiqatçısı (2016 senesi çiçek ayında);
Yevgeniy Zvâgin — Şimaliy Kavkaz bölgeniñ arbiy mahkemesiniñ mahkemecisi (2019 senesi ilk küz ayında);
Rizvan Zubayirov — "Qırım garnizon mahkemesi"niñ reisiniñ muavini (19.12.2014 senesinden 07.05.2018 senesine qadar, Cenübiy bölgeniñ arbiy mahkemesiniñ mahkemecisi (07.05.2018 senesinden 13.06 2023 senesine qadar);
Aleksandr Kojemâka — FSBniñ Sevastopol (Aqyar) idaresiniñ hadimi (2016 senesi ilk yaz ayınıñ 26-nda);
Aleksey Kozırev — "Qırım Yuqarı mahkemesi"niñ "mahkemecisi" (2019 senesi arman ayında);
Anatoliy Kolesnik — Şimaliy Kavkaz bölgeniñ arbiy mahkemesiniñ mahkemecisi (2015 senesi oraq ayınıñ 22-nden); Umumiy yurisdiktsiyalı dörtünci kassatsiya mahkemesiniñ mahkemecisi (2019 senesi ilk küz ayınıñ 2-nden);
Yevgeniy Kolpikov — Rusiye Federatsiyasınıñ Cenübiy bölgeniñ arbiy bölge prokurorlığınıñ 4-ünci bölüginiñ prokurorı (arbiy prokurorlarnıñ mahkemelerde baqıluvda iştirak etüv bölügi) (10.10.2020 senesi), adliye polkovnigi;
Aleksandr Kompaneytsev — FSB hadimi (2016 senesi ilk yaz ayınıñ 26-da);
Vâçeslav Korsakov — Şimaliy Kavkaz bölgeniñ arbiy mahkemesiniñ mahkemecisi (2018 senesi boş ayda);
İgor Kostin — Qırımnıñ Cenübiy bölgeniñ arbiy mahkemesiniñ mahkemecisi. Rostov-na-Donu, Rusiye Federatsiyası (2015 senesi saban ayınıñ 16-ndan itibaren);
Kirill Krivtsov — Cenübiy bmlgeniñ arbiy mahkemesiniñ mahkemecisi;
Olga Kuznetsova — Simferopol (Aqmescit) şeeriniñ "Kıyiv rayon mahkemesi"niñ "mahkemecisi" (2017 senesi mayıs ayında);
Yuriy Latınin — Qırım "Yuqarı mahkemesi"niñ "mahkemecisi" (2019 senesi qara qış ayınıñ 16-nda);
Oleg Lebed — Qırım "Yuqarı mahkemesi"niñ "mahkemecisi" (2024 senesi saban ayında);
Sergey Mahnöv — Rusiye FSBsiniñ "Qırım Cumhuriyeti ve Sevastopol (Aqyar) şeeri"ndeki taqiqat bölüginiñ ayrıca müim dava boyunca baş taqiqatçısı, adliye polkovnigi (2019 senesi saban ayında ve 2021 senesine qadar), 2025 senesi arman ayında Moskvada advokat olıp çalıştı;
Tatyana Melnik — "Qırım Yuqarı mahkemesi"niñ "mahkemecisi" (2014 senesi ilk qış ayınıñ 19-ndan itibaren);
Dmitriy Merkulov — Cenübiy bölgeniñ arbiy mahkemesiniñ mahkemecisi (2025 senesi ilk küz ayında);
Viktor Mojelânskıy — Simferopolnıñ (Aqmescitniñ) "Kıyiv rayon mahkemesi"nin "mahkemecisi" (2019 senesi saban ayında); soñra — Simferopolnıñ (Aqmescitniñ) "Merkeziy rayon mahkemesi"niñ reisiniñ muavini;
İgor Nadolinskiy — prokuror;
Maksim Nikitin — Rostov-na-Donu şeeriniñ Cenübiy bölgeniñ arbiy mahkemesiniñ mahkemecisi, Rusiye Federatsiyası (2023 senesi boş aynıñ 23-nde);
Alla Ovçınnikova — Qırım "Yuqarı mahkemesi"niñ "mahkemecisi" (2019 senesi qara qış ayınıñ 16-sında);
Anatoliy Osçenko — Qırım "Yuqarı mahkemesi"niñ "mahkemecisi" (2020 senesi ilk qış ayında);
Oleksandr Pakula — prokuror (2025 senesi boş aynıñ 7-nde);
Roman Plisko — Şimaliy-Kavkaz bölgeniñ arbiy mahkemesiniñ mahkemecisi (2019 senesi ilk yaz ayınıñ 24-nde);
Serğiy Poğrebnâk — Qırım "Yuqarı mahkemesi"niñ "mahkemecisi" (2023 senesi);
Roman Podolskiy — Rusiye Federatsiyasınıñ Şimaliy-Kavkaz bölgeniñ arbiy mahkemesiniñ mahkemecisi (2012 senesi kiçik aynın 2 kününden), Rusiye Federatsiyası Umumiy yurisdiktsiyalı dördünci kassatsiya mahkemesiniñ mahkemecisi (2019 senesi arman ayınıñ 12 kününden);
Ğalına Redko — Qırım "Yuqarı mahkemesi"niñ "mahkemecisi" (2023 senesi ilk küz ayında);
Zaurbek Savvoyev — Rusiye Federatsiyasınıñ Cenübiy bölgeniñ arbiy bölge prokurorlığınıñ 4-nci bölüginiñ prokurorı (arbiy prokurorlarnıñ davalarnı baqqan bölügi) (10.10.2020 senesi), adliye podpolkovnigi;
Roman Saprunov — Cenübiy bölgeniñ arbiy mahkemesiniñ mahkemecisi (2025 senesi arman ayında);
Oleksiy Serdük — Rusiye FSBsiniñ "Qırım Cumhuriyeti ve Sevastopol (Aqyar) şeeri"ndeki taqiqat bölüginiñ baş tahqiqatçısı (2016 senesi kiçik ayda);
Anna Turobova — prokuror;
Tatyana Fedorova — Qırım "Yuqarı mahkemesi"niñ "mahkemecisi" (2014 senesi ilk qış ayınıñ 19-ndan 2018 senesi qara qış ayınıñ 11-ne qadar);
O.A. Filippenko — prokuror (2017 senesi çiçek ayında);
Konstantin Firsov — Rusiye Federatsiyasınıñ Cenübiy bölgeniñ arbiy bölge prokurorlığınıñ 4-nci bölüginiñ prokurorı (arbiy prokurorlarnıñ mahkemelerde baqıluvda iştirak etüv bölügi) (10.10.2020 senesi), adliye podpolkovnigi;
Alla Hineviç — Qırım "Yuqarı mahkemesi"niñ "mahkemecisi" (13.07.2016 senesinden başlap ve 2025 senesiniñ arman ayına qadar);
Yelena Holodnaya — "Kıyiv rayon mahkemesi"niñ "mahkemecisi" (Simferopol (Aqyar) şeeri) (26.08.2016 senesinden); Qırım "Yuqarı mahkemesi"niñ mahkemecisi (01.05.2021 senesinden);
Anton Tsıkurenko — "Simferopol (Aqmescit) şeeriniñ Kıyiv rayon mahkemesi"niñ "mahkemecisi" (2025 senesi boş ayda);
Natalya Çerevatenko — Qırım "Yuqarı mahkemesi"niñ "mahkemecisi" (2017 senesi çiçek ayında);
Magomedbasır Şuaipov — Şimaliy Kavkaz bölgeniñ arbiy mahkemesiniñ mahkemecisi, Rostov-na-Donu şeeri (2019 senesi çiçek ayından 2025 senesi boş ayğa qadar).

Hatırlatamız ki, işğal ve Rusiye quvetçileriniñ, mahkemeciler ve prokurorlarnıñ malümatları aq qorçalayıcılar tarafından "Qırım davaları" elektron bazasınıñ açıq qısmında qayd etildi ve derc etildi. Bu baza Qırım uquq qorçalayıcı gruppasınıñ teşebbüsidir. Repressiyalarnıñ icracıları — Ukrayinağa hainlik etip, Rusiye Federatsiyası içün çalışmağa başlağanlar, em de ruslar. "Qırım davaları" bazasında biz, hususan, Ukrayina vatandaşlarına qarşı qanunsız ükümler çıqarğan 140 mahkemecini saydıq. Aq qorçalayıcılar bu insanlar aqqında malümat ve delillerni nasıl toplay ve qayerge bergeni aqqında Suspilne Qırımnıñ ''Davalarnı uydurıp, karyera qura: Qırımda repressiya ve siyasiy mabüslerniñ uzun müddetli apis cezaları artında kim tura?'' adlı maqalesinde oquñız.

Hizb ut-Tahrir, islâm siyasiy fırqasıdır. 2003 senesi Rusiyede o, terrorcı bir teşkilât olaraq tanındı, oña bağlı olğan insanlarnı ise taqip etmege başladılar. İştirakçileri, "qanunlarğa qarşı faaliyet"te ve böyle degen "cian hilâfeti"ni yaratmağa ıntılmağa qabaatlanalar. 2014 senesi Qırım işğal etilgen soñ işğalcilerniñ qanunları zapt etilgen Qırımda da qullanılmağa başlandı. Qırımlı musulmanlarnı da Hizb ut-Tahrirge bağlı olmaqta qabaatlamağa başladılar, böylece yarımadanıñ işğaline qarşı olğanı sebebinden qırımtatarlarğa basım arttı.