Mayısnıñ 8-nde Qırımda patlavlar oldı, RF Mudafaa nazirligi dronlarnı urğanını bildirdi

İşğal etilgen Qırımda mayısnıñ 7-de aqşam ve mayısnıñ 8-de gece patlavlar oldı. Evel, Simferopolnıñ (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adniñ) Maryine mikrorayonında Rusiye arbiy qısmı zarar kördi, em de Yañi Qapuda (Krasnoperekopsk) dron ücüminden soñ büyük elektrik stantsiyası yandı. Rusiye Mudafaa nazirligi yarımada üzerinde ukrayin dron tüşürilgenini bildirdi.

RF Mudafaa nazirliginiñ malümatına köre, mayısnıñ 7-nde saat 20:00-dan künniñ soñuna qadar Rusiye AMS topraq üzerinde 95 dronnı urdı. Rusiye ve Qırımğa, Azaq ve Qara deñizlerge.

Saat 00:00-dan 07:00-ğa qadar Rusiye ava mudafaası Rusiyeniñ üzerinde, em de Qırım, Qara ve Azaq deñizlerinde 264 dronnı toqtatqan ya da yoq etken, dep Mudafaa nazirligi qoştı.

Bundan ğayrı, işğalli Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) işğalli gubernatorı Mihail Razvojayev bildirdi ki, gece Şimaliy taraf ve Fiolent rayonında dört dronnı urıp tüşürdiler, yaralanğanlar ve zararlanğanlar yoq.

O, mayısnıñ 8-nde şeerde eki kere ava telükesini ilân etti: 02:24-04:08 ve 07:25-07:39.

Bundan ğayrı, Sevastopolda (Aqyarda) eki kere deñiz yolcu naqliyatınıñ areketi toqtatıldı, dep şeerniñ yol-naqliyat astyapısınıñ inkişafı işğalli müdirligi bildirdi. Hususan, saat 07:26 şeerniñ ava telükesi sebebinden saat 07:39 ve 07:57 ile 08:48 arasında.

Şaatlar "Qırım yeli vetr" Telegram kanalına gece Simferopolda (Aqmescitte) onğa yaqın küçlü patlav eşitkenlerini bildirdiler. İlk evelâ, Maryinede 40136 nomeralı Rusiye arbiy qısmı zarar kördi. Bu qısım — Rusiye Qara deñiz flotunıñ alâqa noqtasıdır. Resmiy tasdıq daa yoq.

Bundan ğayrı, "Qırım yeli" uydu resimlerine esaslanıp, Qırımnıñ Perekopsk rayonınıñ Yañı Qapu şeerinde "Krasnoperekopsk" 220/35/10 kV PS büyük elektrik stantsiyası zarar kördi ve yandı, dep bildirdi. Bundan ğayrı, yanğın merkezi "Brom" VATnıñ himiyeviy zavodı toprağında qayd etile.

Vaqtınca işğal etilgen Qırımda Ukrayina Mudafaa nazirliginiñ Bİİniñ "Prımarı" mahsus bölügi Rusiye ordusınıñ kritik arbiy obyektlerine ücüm etti. Radiolokatsiya, radioelektronik küreş sistemaları, ava astyapıları ve işğalli quvetlerniñ teminat obyektlerine ücüm etildi. Şu cümleden, Su-24 uçağınıñ sığınacaq angarı ve Su-30 uçağınıñ sığınaq angarı yoq etildi.

Hatırlatamız ki, Qırımda Ukrayina Mudafaa nazirliginiñ "Prımarı" mahsus bölügi çiçek ayında keçirgen operatsiyası neticesinde işğalcilerniñ demiryol logistikası obyektlerine ücüm etti. Olar yük trenleriniñ areket etkenine beş kere ücüm ettiler: Rusiye arbiy hızmetçileri arbiy tehnika ve yaqarlıq taşımaq içün qullanğan lokomotivler ve tsisterna zararlandı.

Bundan da ğayrı, Bİİniñ "Prımarı" mahsus bölügi işğal etilgen Qırımda operatsiya keçirdi, onıñ devamında deñiz ve ava komponentlerinen bağlı bir sıra arbiy maqsatlarğa zarar ketirildi: 05060 leyhalı üç desant-ücüm gemisi, teminat etici gemi, desant-ücüm katerleriniñ saqlav angarı ve Be-12 "Çayka" amfibiya-uçağı.

Mayısnıñ 7-nde gece işğal etilgen Qırımnıñ Keriç ve Feodosiya (KefeRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) şeerlerinde patlavlar oldı. Aynı vaqıtta RF Mudafaa nazirligi Qırım, Qara ve Azaq deñizlerinde uçqan dronlarnı urğanını bildirdi.

Читати ще