Vaqtınca işğal etilgen Qırımda Ukrayina Mudafaa nazirliginiñ Baş istihbarat idaresiniñ "Prımarı" mahsus bölügi Rusiye ordularınıñ demiryol logistikası obyektlerine ücüm etti.
Mayısnıñ 6-nda Ukrayina Mudafaa nazirliginiñ Baş idaresi bu aqqında haber etti.
Ameliyat 2026 senesi çiçek ayında oldı. Onıñ çerçivesinde mahsus vazifelerge tayinlengenler yük trenlerine beş kere ücüm etti.
Qayd etilgenine köre, ücüm neticesinde arbiy tehnika ve yaqarlıq taşımaq içün qullanılğan lokomotivler ve bir tsisterna uruldı.
Bİİniñ qayd etkenine köre, bu areketler vaqtınca işğal etilgen Qırımdaki Rusiye ordularınıñ demiryol logistikalarını bozdı.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
