Rusiye ordusınıñ ihtiyacları içün para toplaşuvlarnı idare etken Qırımdan işğalli mebus, "Yalta şeer şurasınıñ reisiniñ muavini" ukrayin uquq qoruyıcılarından duşmannen işdeşlikUkrayina CQniñ 111-1-nci maddesiniñ 5-nci qısmıte ve istilâcı devletke yardımUkrayina CQniñ 111-2-nci maddesi etüvde şübeli sayıla. Onı 12 yılğa qadar apis cezası bekley.
Mayısnıñ 7-nde Qırım MC ve Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) şeeri prokurorlığı bunı bildirdi.
Tahqiqatnıñ malümatına köre, 2024 senesi adam "Yedinaya Rossiya" siyasiy firqasınıñ yerli bölüginden "III çağırılış Qırım Cumhuriyetiniñ Yalta şeer şurasınıñ mebusı" oldı. Ukrayina havfsızlıq hızmetiniñ QMCdeki Baş idaresiniñ qayd etkenine köre, o, 2023 senesi bu firqa esasında istilâcığa faal yardım etmege başladı.
Şübelengen adamnıñ adı bildirilmey, lâkin Suspilne Qırımnıñ haberdar olğan menbalarınıñ aytqanına köre, söz Yevheniy Hrıçov aqqında kete.
Qırım prokurorlığınıñ qayd etkenine köre, adam Ukrayinağa qarşı cenkleşken Rusiye arbiy hızmetçileri içün "Yedinaya Rossiya" teşkilâtı çerçivesinde gumanitar yardım toplay.
"Şimdi şübelengen adam Rusiye Federatsiyasınıñ ücüm gruppaları içün mahsus aletlerniñ azırlanmasını teşkil ete ve olarnı şahsen cebege alıp kete. Bundan da ğayrı, o, bar olğan resmiy tesirini qullana ve vaqtınca işğal etilgen Yalta ealisini duşmanğa yardım etmege celp ete", — dep UHH bildirdi.
Bundan evel QMC prokurorlığı, bu qaide 2024 senesi peyda olğan soñ ilk sefer "İnsanlıqqa qarşı cinayetler" 442-1 maddesi boyunca cinaiy dava açtı.
ZMINA İnsan aqları merkeziniñ işğal etilgen Qırımda adaletli mahkeme aqqından marum etüv sebebinden ukrayinlerniñ sistematik taqip etilüvi aqqında beyanatına esaslandı.
Hatırlatamız ki, kiçik aynıñ soñunda muhtariyet prokurorlığı Halqara Cinaiy mahkemege Rusiyeniñ işğal etilgen yarımadada yapqan cinayetleri aqqında 13 bildirname yolladı. Bundan da ğayrı, ukrayin mahkemeleri sürgünlik ve Rusiye Silâlı quvetlerinde askerlikke mecbur etüv davalarında ilk qararlarnı qabul etti.
Qırım Muhtar Cumhuriyeti prokurorlığı Milliy polisnen beraberlikte Qırım işğal etilgen soñ ğayıp olğan cinaiy davalarnı ğayrıdan tikley. İnsan ayatı ve sağlığına qarşı cinayetler ilk nevbette tura.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
