Qırım Muhtar Cumhuriyeti ve Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) şeeri prokurorlığı Ukrayina Milliy polisinen beraberlikte Qırım vaqtınca işğal etilgen soñ malümatı ğayıp olğan cinaiy davalarnı ğayrıdan tikley. İnsan ayatı ve sağlığına qarşı cinayetler ögünde tura.
Ukrayina Baş prokurorınıñ ofisi bunı bildirdi.
Hususan, 2013 senesi kiçik ayda Simeiz köyüniñ yolbaşçısınıñ öldürüvine dair dava malümatları ğayrıdan tiklendi. Tahqiqat, bir çoq insannıñ ayatını telükege oğratqan usulnen añlı öldürüvUkrayina Ceza qanunnamesiniñ 115-nci maddesiniñ 2-nci qısmınıñ 5-nci noqtasıge dair alıp barıla.
Taqiqatnıñ malümatına köre, ücüm etken adam, qurbannıñ cedvelini ve marşrutını evelden taqip etken edi, ateş ve naqliyatnı azırlağan edi. Cinayet saba köy şurasınıñ binası yanında açıq yerde yapıldı. Ücümden soñ cinayetçi ğayıp oldı ve vaqtınca Ukrayina tışına çıqtı. Uquq qorçalayıcılar onıñ şahsiyetini ve cinayet esnasında qullanılğan maşnanıñ satın alınuv şartlarını belgilediler.
Malümat ğayıp olğan soñ bayağı vaqıt keçkenine baqmadan, taqiqatçılar ve adliyeciler delillerniñ çoqusını tapıp, ğayrıdan tikleyler. Tahqiqat faalleştirildi, onı yekünlemek içün tedbirler alına.
2002 senesi Simferopoldaki (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adteki) işhanede dört insannı maqsatlı öldürüv boyunca dava malümatlarınıñ ğayrıdan tiklenilmesi devam ete. Taqiqatnıñ malümatına köre, eki silâlı şahıs işhanege kirdi, dört hadimni öldürdi, para, cep telefonları ve vesiqalarnı alıp ketti. Olardan biri endi ömürlik apis cezasını alıp, çeke.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
