İşğal etilgen Qırımda mayısnıñ 5-nde aqşam, mayısnıñ 6-nda tınçlıq rejiminden evel, patlavlar yüz berdi. Bundan evel uçucısız uçaq aletleri Ermeni Bazar şeerindeki FSB binasına ve Simferopol (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) civarındaki Mırne köyündeki "Pantsir" ZRTKzenit-raketa top kompleksie ücüm etti. İşğalli akimiyet ise Canköyğa ve "beş elâk olğan vatandaş"qa muvafaqiyetli ücüm aqqında iddia ete.
İşğalli Qırım yolbaşçısı Sergey Aksönovnıñ Telegramda saat 22:28de bildirgenine köre, yarımadağa ücüm etken dronlarnı ava mudafaası sisteması ve mobil ateş gruppaları tüşütmege çalışa edi.
"Duşman UUAleriniñ Cavköyge etilgen ücümi sebebinden vatandaşlar arasında elâk olğanlar bar — beş insan elâk oldı", — dep qayd etti o.
RF Mudafaa nazirligi mayısnıñ 6-nda saat 21:00-dan saat 7:00-ge qadar nevbetteki AMS vastaları 53 ukrayin uçucısız uçaq aletini Qırım, Qara deñiz, em de Rusiyeniñ Belgorod, Brânsk, Kursk vilâyetleri üzerinde toqtatqanını bildirdi.
Sevastopolda (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adda) ava telükesi saat 21:45-te ilân etilgen edi, bundan soñ şeer "gubernatorı" Mihail Razvojayev, Verhnösadova ve Şimaliy tarafta dört dron tüşürilgenini iddia etti. Saat 23:27-de dron telükesini lâğu etti.
Aynı vaqıtta ukrayin monitoring Telegram kanalı Exilenova+ bildirdi ki, Qırımdaki ücüm etilgen arbiy obyektler arasında Ermeni Bazar şeerindeki FSB binası da bar. Eñ az altı dron öz maqsadına irişti. Beş insan elâk oldı, 10-dan ziyade yaralandı, dep qoştı o.
"Aynı zamanda, bizim malümatımızğa köre, etrafta olğan evler arbiy ve işğalli Rusiye rejiminiñ quvet strukturalarınen bağlı şahıslarnen tolu. "Kıyiv rejimi" "tamamen tınç bir rayon"ğa ücüm etkenini köstergen gaulayterlerniñ vaqia yerinden alınğan fotoresimlerni körmeyceksiñiz. Amma bizde körersiñiz. 46.105672274, 33.69074328", — dep kanal yazdı.
Ermeni Bazar şeerindeki FSB binasına ücüm aqqında "Qırım yeli" Telegram kanalınıñ şaatı saat 21:49da haber etti. Anda yanğın körüne ve yanğınnıñ qoqusı kele.
"Qırım yeli"niñ malümatına köre, Simferopol (Aqmescit) rayonınıñ Mırne köyündeki "Pantsir" zenit raketa-top kompleksi yoq etildi. Saat 22:40ta yoq etilgen ZRTKniñ bulunğanı yerge Yevpatoriya (KezlevRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) qarayolundan üç acele yardım maşnası ve arbiy nomeralı eki zırhlı maşna keçti, dep şaat bildirdi.
Bundan ğayrı, yerli sakinler "Qırım yeli"ne aytqanı kibi, Bağçasarayda, Bağçasaray rayonınıñ Viline köyü yanında, Simferopolda (Aqmescitte), Saqta, "Qaçı" ava limanında, Novofedorivka ava limanında, Canköyde, em de Fiolent burnu rayonında "quvetli patlavlar" eşitildi, "Belbek" ava limanındaki vaziyet de aynı edi.
Hatırlatamız ki, Ukrayina Mudafaa nazirliginiñ Bİİniñ "Prımarı" mahsus bölügi işğal etilgen Qırımda operatsiya keçirdi, onıñ devamında deñiz ve ava komponentlerinen bağlı bir sıra arbiy maqsatlarğa zarar ketirildi: 05060 leyhalı üç desant-ücüm gemisi, teminat etici gemi, desant-ücüm katerleriniñ saqlav angarı ve Be-12 "Çayka" amfibiya-uçağı.
İşğal etilgen Qırımda mayısnıñ 4-nde aqşam "Belbek" ve "Qaçı" ava limanları yanında, em de Canköyde elektrik stantsiyası yanında patlavlar oldı. Aynı vaqıtta RF Mudafaa nazirligi yarımadanıñ üzerinde dronlarnı urğanlarını bildirdi.
Mayısnıñ 2-ci gecesinde, Ukrayina Silâlı quvetleriniñ Baş ştabınıñ malümatına köre, Mudafaa quvetleri "İskander" kompleksleriniñ taktik gruppasını, "Podlöt" ve "MIS-M1" RLSnı, Qırımdaki Rusiye uçucısız uçaq aletlerini idare etüv noqtalarını ve silâ anbarlarını urdı.
Bundan ğayrı, Ukrayina Arbiy deñiz quvetleri çiçek ayınıñ 30-nda gece Qırım köprüni qorçalağan Rusiye katerlerine ücüm etkenini bildirdi. "Sobol" qoruyıcı gemisi ve "Graçonok" diversiyağa qarşı gemisi aqqında söz kete.
Bundan ğayrı, çiçek ayınıñ 28-nde ve 29-nda gece, USQniñ Baş ştabınıñ malümatına köre, Mudafaa quvetleri işğal etilgen Qırımdaki Rusiye arbiy obyektlerine ücüm etti. Hususan, "MR-10" radiolokatsiya stantsiyası, "Qaçı" ava limanındaki "Parol-4" (1L22) radiolokatsiya sorğuçısı. Simferopolda (Aqmescitte) "SES" neft bazası ve Pervomaysk civarındaki silâ anbarı bar.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
