Mayısnıñ 4-nci aqşamı işğal etilgen Qırımdaki Belbek ve Qaçı ava limanlarında, em de Canköy elektrik ast stantsiyası yanında patlavlar eşitildi. Aynı şu vaqıtta Rusiyeniñ Mudafaa nazirligi yarımada üstünde dronlar urıp tüşürilgenini bildirdi.
Rusiye mudafaa nazirligi bu aqqında haber etti ki, mayısnıñ 4 künü saat 20:00-den mayısnıñ 5-nci künü saat 07:00-ge qadar Rusiye Federatsiyası, Tataristan ve Qırım üstünde umumen 289 dron tutuldı ve yoq etildi.
Rusiye Mudafaa nazirligi qoştı ki, Azaq deñizi üstünde dronlar da uruldı.
Aynı şu vaqıtta, vaqianı körgenler "Qırım yeli" Telegram kanalına mayısnıñ 4-nci aqşamında "Belbek" ve "Qaçı" ava limanları yanında dört "quvetli patlav" eşitilgenini, anda dronlar da uçqanını ayttılar.
Bundan ğayrı, yerli sakinler, saat 22:20-den 22:38-ge qadar elektrik ust stantsiyası yerleşken Canköy şarap zavodınıñ yanında Rusiye ava mudafaası sisteması çalışqanını, em de "quvetli patlav" olğanını qayd ettiler.
Mayısnıñ 2-nci gecesi Ukrayina Silâlı Quvetleriniñ Baş Ştabınıñ malümatına köre, Mudafaa Quvetleri "İskander" komplekslerinden ibaret taktik gruppanı, "Podlöt" ve "MİS-M1" RLSnı, em de Qırımdaki cenk silaları anbarlarını ve Rusiye UUAleri içün idare etüv noqtalarına ücüm ettiler.
Ukrayina Silâlı Quvetleriniñ Arbiy-deñiz flotu da çiçek ayınıñ 30-nci gecesi Qırım köprüni qorçalağan rus qayıqlarını urğanlarını bildirdi.Bu ''Sobol'' patrul qayığı ve diversiyağa qarşı ''Graçonok'' qayığı edi.
Bundan da ğayrı, çiçek ayınıñ 28-de ve 29-ncı gecesi, Ukrayina Silâlı Quvetleriniñ Baş Ştabınıñ malümatına köre, Mudafaa Quvetleri işğal etilgen Qırımdaki Rusiyeniñ arbiy obyektlerine ücüm ettiler. Hususan, ''Qaçı'' ava limanındaki ''MR-10'' radiolokatsiya stantsiyası, AMSnı idare etüv noqtası ve ''Parol-4'' (1L22) yer üstündeki radiolokatsiya sorğucısı. Simferopolda (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adte) ''SES'' neft anbarı ve Pervomayske yanında cenk silaları anbarı.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
