İşğal etilgen Qırım “Yuqarı mahkemesi” Kerç şeeriniñ bir sakinine üküm çıqardı. O, “devlet hainligi” qabaatlavınen 18 yılğa azatlıqtan marum etildi.
Yarımadanıñ işğallli prokurorlığı bu aqqında haber berdi.
Rusiye quvet organlarınıñ versiyasına köre, adam 2023 senesiniñ yazında patrul gemisiniñ videosını çekip, bu qaydnı soñra Ukrayina Havfsızlıq Hizmetiniñ (UHH) vekiline yollamaq içün berdi.
Bu esasında “mahkeme” onı sert rejimli müstemlekede 18 yılğa mahküm etti ve soñundan 1 yıl 6 ay müddetke serbestligini çetleştirdi.
Bundan ğayrı, mahkümge 400 biñ rublelik (233 biñ ğrıvnâlıq) para cezası da tayin etildi.
Hatırlatamız ki, işğal etilgen Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) şeerinde 23 yaşındaki yerli bir sakinni tutıp, oña qarşı “aşırıcılıq faaliyetine açıq çağıruvlar” maddesine binarn cinayet dava açıldı. Bu ise 5 yılğa qadar azatlıqtan mahrum etilüvni közde tuta.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
