"Rusiye Bankı"nıñ malümatına köre, 2026 senesiniñ başlarına qadar işğal etilgen Aqyar (SevastopolRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) sakinleriniñ umumiy kredit portfeli 25% eksildi ve 68 milliard ruble (≈ 34 milliard ğrıvnâ) oldı. Borclarnıñ tahminen 60% ipoteka.
"İnformer" Rusiye matbuatı bu aqqında yazdı.
Neşirniñ qayd etkenine köre, Aqyar (Sevastopol) sakinleri, Rusiye regionları ve hususan işğal etilgen Qırım ile qıyaslanğanda, öz kreditlerini daa yahşı ödeyler.
"Aqyar sakinleri borc seviyesi artqanı sebebinden, maliyeviy tertipniñ eñ yahşı köstergiçlerinden birini köstere. Bunı 2026 senesi saban ayında Birleşken Krediy Bürosınıñ nevbetteki reyting malümatı tasdıqlay. Umumiy vaziyet qıyın olğanına baqmadan, Aqyar (Sevastopol) sakinleri öz istiqrarlılığı ile ayırılalar. Reytingniñ başında Moskva qala, ondan soñ — Sankt-Peterburg ve Çuvaşiya. Dörtünci yerde — Aqyar (Sevastopol). Qırım — 28-inci yerde. Ekspertler, yüksek kredit stavkaları sebebinden, ealiniñ ödeme terbiyesi bozulğanını qayd eteler", — dep haberde aytıla.
Ukrayina tışqı istihbarat hızmetiniñ malümatına köre, rusiyelilerge maliye bazarınıñ sertleştirilüvi sebebinden resmiy kreditlerni elde etmek qıyınlaşa. Yañı müşteriler içün arizalarnıñ qabul etüv seviyesi 17%-ğa tüşti, devamlı borc alğanlar içün ise 70%-ğa tüşti. UTİH qayd etkenine köre, yaşamaq içün kerek olğan para aluvnıñ sert qaideleri rusiyelilerni para yardımını gizli sektorda qıdırmağa mecbur ete.
"Vaziyetni, hususan, Ukrayinağa qarşı cenk masrafları ve sanktsiyalar basqısı ile bağlı Rusiyeniñ iqtisadiy vaziyetiniñ kerginleşmesi zorlata. Para qıtlığı sebebinden ealiniñ bir qısmı riskli ve şübeli maliye aletlerine razı olmağa mecbur, bu da sıq-sıq borc qıyınlıqlarına ketire. Çünki Mahsus arbiy ameliyattaRusiye yolbaşçılığı tarafından kirsetilgen ve Rusiyege qoltutqan menbalar tarafından Rusiyeniñ Ukrayinağa 2022 senesinden başlap istilâsını tasvir etmek içün qullanılğan teşviqat efemizmidir iştirak etmek ya da kredit almaq arasında qarar alğanda, ilk evelâ daa telükeli olmağanını saylaylar. Qanunsız ödünç bericiler müşterilerni sıq-sıq kelişken şartlarnen celp ete, amma soñra borclarnı qaytarmaq içün agressiv usullarnı qullanalar. Bu qoşma içtimaiy telükelerni meydanğa ketire ve zarar körgen eali arasında maliyeviy kerginlikni arttırmaqta", — istihbaratta deyler.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
