Oleksandr Dâçenko ve hadimleri Darya Ğorokova ve Volodımır Ğraf UHH tarafından şübe aldılar. Taqiqatnıñ malümatına köre, olar işğal etilgen Qırımda ukrayin balalarını celp etip, arbiyleştirüv ve teşviqat tedbirlerini keçireler.
Çiçek ayınıñ 29-nda Ukrayina havfsızlıq hızmeti Facebookta bu aqqında haber etti.
Oleksandr Dâçenko — işğal etilgen Simferopoldaki (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adteki) "Qırım sıñırcıları birligi" ve "Varâg" deñiz azırlıq merkezi"niñ yolbaşçısı. Ekisi de cemaat teşkilâtları olaraq qayd etile. Amma Ukrayina tahqiqatınıñ malümatına köre, olarnıñ faaliyetini Rusiye mahsus hızmetleri idare ete, Moskva ve yerli işğalli memuriyetler para bere.
2023 senesiniñ başında bu "teşkilâtlar" Moskvadan aman-aman 4,5 million ruble (≈ 2, 25 mln ğrn — muar.) aldı. Bu paralar sayesinde olar mektep talebelerine Rusiye Arbiy deñiz quvetlerinde hızmet etmek ya da Rusiye arbiy aliy oquv yurtlarında tasil almaq içün arbiy oquv yurtlarını teşkil eteler.
"Eñ müim yönelişler arasında — ileride Rusiye Arbiy-deñiz quvetleriniñ mahsus bölüklerine alınmaq içün gençlerniñ arbiy-oquv yurtları. Bu maqsatnen "Varâg" idman bazalarında mektep talebelerine dalıcılıq, suv astında yöneliş ve deñiz akvatoriyasında diversiyalarnıñ hususiyetleri ögretile. Dâçenkonıñ işğalli CTcemaat teşkilâtıları muntazam sürette Rusiye Federatsiyasından "prezident grantları" şeklinde para ala, olar Kremlniñ Qırımdaki rejimini tarqatmağa yardım ete", — dep UHH qayd etti.
Yañı arbiy-trenir kompleksini qurmaq içün Dâçenkonıñ teşkilâtlarına işğalciler Simferopol (Aqmescit) civarındaki topraqnı bedava berdiler.
"Ruslar böyle etip er kün eñ az 150 talebeni azırlamağa planlaştıralar. Bu leyhanı amelge keçirmek içün idman toprağında ateş sektorları, mania sızıqları ve dalıcılıqnen oğraşmaq içün mahsus zonalar qurulacaq. Gençler mektebine Rusiye arbiy istihbaratınıñ (GRU) hadimleri ocalar olaraq celp etile. İşğalli klubnıñ divarlarında onıñ teşkilâtçıları talebelerge raşizmfaşizm, natsizm, sovet totalitarizmi ve rus imperializmini birleştirgen Rusiye Federatsiyasınıñ siyasiy rejiminiñ idare etici kvaziideologiyası ve ameli. Bu, Ukrayina bar olğanını red etüv, Putinniñ şahsiy kultu ve Ukrayinanıñ Yuqarı Şurası tarafından Rusiye faşizminiñ bir şekli olaraq resmen tanılğan Rusiyeniñ "hususiy missiyası"na esaslanğan basqıncı cenk mefküresidirni zorlatalar ve Ukrayinağa qarşı cenkni aqlaylar", — dep UHH ayttı.
Böyle "kurslar"nıñ soñunda balalarğa Rusiye Federatsiyasınıñ aliy arbiy oquv yurtlarına kirgende yarış üstünligini bergen "bitirüv şeadetnamesi" berile.
Toplanğan delillerge esaslanıp, havfsızlıq hızmetiniñ taqiqatçıları Dâçenko, Ğorohova ve Ğrafqa Ukrayina Ceza qanunnamesiniñ bir qaç maddesine istinaden qabaatlav aqqında bildirdiler: 28-inci maddesiniñ 2-nci qısmı, 436-2-inci maddesiniñ 3-ünciRusiye Federatsiyasınıñ Ukrayinağa qarşı silâlı tecavuzınıñ aqlanuvı, qanuniy sayılması, red etilüvi, iştirakçileriniñ şerefsizleştirüvi, bir gruppa şahıslar tarafından evelden añlaşılğan şekilde yapılğan qısmı ve 28-inci maddesiniñ 2-nci qısmı, 438-inci maddesiniñ 1-inci cenk cinayetleri, bir gruppa şahıslar tarafından evelden añlaşıp yapılğanqısmı.
Daa evel Qırım Muhtar Cumhuriyeti ve Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) şeeri prokurorlığı Oleksandr Dâçenkoğa qarşı qabaatlav aktını mahkemege yolladı, onıñ areketleri cenk qanunları ve adetleriniñ bozuluvı olaraq tasnif etildi (Ukrayina Ceza qanunnamesiniñ 438-inci maddesiniñ 1-inci qısmı).
"Emek, sport ve meslek ögretüvi esasında o, 14 yaşından başlap balalarnı duşman ordusında arbiy hızmetke azırlay. 2020 senesi "Radio/Krım" teşviqat mediasına bergen intervyusında qabaatlanğan, böyle "teşviqat"qa daa çoq gençniñ celp etilmesine yardım etmek içün, gençlerni RF silâlı quvetleri içün askerlikke kütleviy çağıruv yedegini azırlağan mahsus oquv merkezlerine muracaat etmege çağırdı", — dep prokurorlıq qoştı.
Hatırlatamız ki, oña 2025 senesi çiçek ayınıñ 9-nda ğıyabiy şekilde qabaatlav aqqında bildirdiler. "O, 2017 senesi işğal etilgen Qırımnıñ Simferopol (Aqmescit — terciman) şeerinde "Varâg" arbiy-vatanperver klubını meydanğa ketirdi.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
