İşğal etilgen Qırımnıñ eki "prokurorı" devlet hainligiUkrayina CQniñ 111-nci maddesiniñ 1-nci qısmınde qabaatlı tanındı. Mahkeme olarnı 13 ve 14 yılğa azatlıqtan marum qaldırdı ve mülkü müsadere etilecek.
Qırım MC ve Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) şeeri prokurorlığı bunı bildirdi.
Uquq qorçalayıcı organlarındaki bir menba, söz Daniil Basov ve Dmıtro Koçerjenko aqqında yürsetkenini açıqladı.
"Mahkmlar işğalden soñ Qırımda qaldılar. Soñra olar "Qırım Cumhuriyeti prokurorlığı"nda "karyera qurmağa" başladılar. Olardan biri 2014 senesi "Keriç (Lenin) rayonı prokurorınıñ yardımcısı", 2017 senesi ise — "Keriç rayonarası tabiat qoruv prokurorınıñ yardımcısı" vazifesini aldı. 2014 senesi saban ayında işğalciler daa bir kişini "Yalta şeer prokurorınıñ yardımcısı" olaraq tayin ettiler. 2020 senesi o, "Simferopol rayon prokurorlığı"nda buña beñzer vazifege tayinlendi, — dep prokurorlıq bildirdi.
Mahkeme oturışında prokurorlar, mahküm etilgenlerniñ er ekisi de öz areketlerinen Qırımdaki işğalcilerge yardım etkenini isbatladı.
"Ukrayina qanunlarınıñ talaplarına baqmadan, olar işğalli reberlikniñ emirlerini yerine ketirdiler, Rusiye qanunlarına köre "qabaatlavnı desteklegen" mahkeme oturışlarında iştirak ettiler. Öz areketlerinen mahküm etilgenler istilâcı memleketke ve onıñ vekillerine Ukrayinağa qarşı, onıñ suvereniteti ve topraq bütünligine zarar ketirmek içün bozuv faaliyetini alıp barmaqta yardım ettiler", — dep prokurorlıq qayd etti.
Qırım MC ve Sevastopol (Aqyar) şeeri prokurorlığı Suspilne Qırımğa añlattı ki, qabatalanğan adam olmadan mahsus makeme oturışları ("ğıyabiy ükümler") neticesinde çıqarılğan ükümler umumiy şekilde aqqını qazanalar. Yani apellâtsiya şikâyetnamesi berilmese, apellâtsiya şikâyetnamesini berüv müddeti (üküm çıqarılğan 30 kün soñ) bitecek soñ aqqını qazanır.
Apellâtsiya şikâyetnamesi berilse ve lâğu etilmese, apellâtsiya makemesi qarar alacaq soñ üküm aqqını qazana. Aynı zamanda adam tutulğan vaqıttan berli ceza müddeti başlap sayıla.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
