Şovkunenko adına Herson sanat müzeyi, işğalciler tarafından hırsızlanğan daa bir resim tanığanını bildirdi. Bu, 1987 senesi Herson ressamı Volodımır Kravçenkonıñ "İşhanedeki gece" akvarel eseridir. Şimdi o, işğal etilgen Ç
Çiçek ayınıñ 23-nde müzey Facebook saifesinde bu aqqında haber etti.
2026 senesi saban ayında işğalli medeniyet nazirliginiñ temsilcileri Tavriya Merkeziy müzeyimi ziyaret etken vaqıt yapılğan resimden resim tanıdıldı. Kravçenkonıñ akvarelini körmek mümkün.
Herson müzeyi bu eserni "icadiy mekânnıñ aqiqiy şiiriyeti, aslında ressamnıñ canınıñ portretidir" dep qayd etti.
"Hırsızlanğan eserlerni identifikatsiya etmege devam etemiz. Er bir tanılğan eser — adaletke daa bir adım ve Herson vilâyetiniñ Oleksiy Şovkunenko adına bediiy müzeyniñ bütün kollektsiyasınıñ evge qaytması ümütidir", — dep haberde qayd etildi.
Saban ayında Herson sanat müzeyiniñ hadimleri işğalciler tarafından hırsızlanğan Rudolf Haçatrânnıñ 1976 senesi yazılğan "Şair" resimini taptılar.
Kiçik ayda Herson vilâyetiniñ eki işğalli memurına, cenk cinayetinde şübe ğıyabiy şekilde bildirildi. 2022 senesi olar Herson vilâyetiniñ O. O. Şovkunenko adına Herson bediiy müzeyinde büyük hırsızlıqnı teşkil ettiler.
Keçken sene orta küz ayında Ukrayina Mudafaa nazirliginiñ Baş istihbarat idaresi Rusiye işğalcileri tarafından hırsızlanğan 178 ukrayin qıymeti aqqında malümat aydınlattı.
Herson sanat müzeyinden eserlerniñ hırsızlanuvı aqqında ne bilemiz
2025 senesi boş ayınıñ 11-nde Ukrayina Mudafaa nazirliginiñ Baş istihbarat idaresi WAR&SANCTIONS portalında Herson vilâyetiniñ O. Şovkunenko adına bediiy müzeyinen hırsızlanğan biñden ziyade medeniy eşya aqqında malümatnı derc etti.
2025 senesi qara qış ayınıñ 3-nde müzey bildirdi ki, sanat müzeyinden hırsızlanğan ve tanılğan sanat eserleriniñ umumiy sayısı 130-ğa yetti.
2022 senesi boş aynıñ 1-nde Hersonda Rusiye işğalcileri sanat müzeyinden eserlerni hırsızladılar.
2022 senesi boş aynıñ 3-nde polis Rusiye arbiy hızmetçileri tarafından Herson sanat müzeyiniñ qıymetleri hırsızlanğanı sebebinden açılğan davanı tahqiq etmege başladı.
2022 senesi boş aynıñ 7-nde Herson sanat müzeyi Facebook saifesinde memuriyet Rusiye arbiy hızmetçilerinden hırsızlanğan resimlerniñ Simferopoldaki (Aqmescitteki) Tavrida Merkeziy müzeyinde kösterilgeni aqqında yazğan edi.
Herson sanat müzeyi 1978 senesi mayısnıñ 27-nde açıldı. Eski şeer şurasınıñ binasında yerleşe, o, XX asırnıñ başındaki mimarlıq abidesidir.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
