Vaqtınca işğal etilgen Sevastopolda (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adda) Rusiye FSBsiniñ sıñır hızmetiniñ 22460 leyhalı patrul qaravul gemisi zarar kördi. 2026 senesi çiçek ayınıñ 22-nde ücüm etildi.
USQniñ Baş ştabı bu aqqında haber etti.
Arbiy komandanlıqnıñ malümatına köre, zarar körgen geminiñ arbiy qısmı zarar kördi.
Bundan da ğayrı, Baş ştab, 2026 senesi çiçek ayınıñ 19-nda Rostov vilâyetiniñ Taganrog şeerinde "Atlant Aero" şirketine "Neptun" ukrayin qanatlı raketaları tarafından etilgen ücüm neticelerini aydınlattı.
Eki işhane yoq etilgeni ve dört işhane zarar körgeni tasdıqlandı. Baş ştabnıñ malümatına köre, "Atlant Aero" "Molniya" tipindeki ücüm-istihbarat dronlarınıñ, em de "Orion" UUAniñ bütün parçalarınıñ meydanğa ketirilmesi, istisalını ve sınavını tolusınen eda ete.
Hatırlatamız ki, çiçek ayınıñ 22-ne keçer gecesi Ukrayina Mudafaa quvetleri Rusiye Federatsiyasınıñ Qara deñiz flotunıñ Sevastopoldaki (Aqyardaki) "Streletskiy" arbiy gemileriniñ areketini idare etüv noqtasına ücüm etti.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
