Çiçek ayınıñ 22-ne keçer gecesi Ukrayina Mudafaa quvetleriniñ bölükleri Rusiye quvetleriniñ hususan işğal etilgen Qırımdaki bir sıra arbiy obyektlerine zarar ketirdi.
USQniñ Baş ştabı bu aqqında haber etti.
Şu cümleden, Sevastopolda (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adda) Rusiye Federatsiyasınıñ Qara deñiz flotunıñ "Striletskiy" arbiy gemileriniñ areketini idare etüv noqtası zarar kördi.
Bundan ğayrı, Baş ştabnıñ malümatına köre, RFnıñ Kursk vilâyetiniñ Korovâkovka ve Tötkino meskün yerleriniñ rayonlarında UUA idare noqtalarına, em de Harkiv vilâyetiniñ Dobrolübivka rayonında "Molniya" UUA idare noqtasına ücüm etildi.
Bundan da ğayrı, Rusiye Federatsiyasınıñ Belgorod vilâyetiniñ Vâzovoe qasabası civarındaki duşman bölüginiñ idare noqtası zarar kördi.
Bundan da ğayrı, Donetsk vilâyetiniñ vaqtınca işğal etilgen toprağında yerleşken Zatışne civarındaki ve RFnıñ Vısokiy Belgorod vilâyetindeki komandanlıq-nezaret noqtalarına, em de Donetsk vilâyetinde Ğrafske meskün yeri civarında işğalli ordularnıñ canlı quvetleriniñ bulunğanı yerge ücümler qayd etildi.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
