Ukrayna Silâlı quvetleriniñ Mahsus operatsiyalar quvetleri Zaporijjâ ve Donetsk vilâyetleriniñ esas yolundaki arbiy obyektlerge ücüm etti. Rusiye olarnı işğal etilgen Qırım ve arbiy logistikanen Rusiye Federatsiyasını birleştirmek içün zapt etilgen topraqlar üzerinden qura.
MOQniñ komandanlığı Facebookta bu aqqında haber etti.
Şu cümleden, Mahsus operatsiyalar quvetleriniñ bildirgenine köre, Mariupol civarındaki Markovede MOQniñ Middle-strike bölükleri işğalcilerniñ arsenalları, teminat anbarları ve logistika merkezlerine ücüm etti.
"Markove Rusiyenen sıñırda bulunıp, Qırımğa ketken esas yolunıñ üstünde buluna, mında duşman öz qyvetlerini temin ete. Mıkilske bu yolnıñ Zaporijjâ tarafına yolda yerleşe", — dep haberde qayd etildi.
Hatırlatamız ki, çiçek ayınıñ 20-nde gece Ukrayina Mudafaa quvetleriniñ bölükleri işğal etilgen Qırımdaki "Ğvardiyske" neft bazasına ücüm etti.
Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) şeerindeki maqsatlarğa da zarar ketirilgeni tasdıqlandı. Bu, Rusiye flotunda qullanılğan 1171 leyhalı büyük desant gemisi ve 775 leyhalı büyük desant gemisi. Zarar miqdarı daa belli degil.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
