Qırımğa ücümler: Baş ştab işğal etilgen Sevastopolda RF gemileri ve neft bazasınıñ zarar körgenini bildirdi

Çiçek ayınıñ 20-ne keçer gecesi Ukrayina Mudafaa quvetleriniñ bölükleri Rusiye Federatsiyasınıñ bir sıra müim obyektlerine ücüm etti. Vaqtınca işğal etilgen Qırımdaki "Ğvardiysk" neft bazası zarar kördi.

Ukrayina Baş ştabı bunı bildirdi.

Sevastopoldaki (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki addaki) maqsatlarğa da zarar ketirilgeni tasdıqlandı. Bu, Rusiye flotunda qullanılğan 1171 leyhalı büyük desant gemisi ve 775 leyhalı büyük desant gemisi. Zararnıñ derecesi şimdilik belli degil.

Bundan ğayrı, Rusiyeniñ Krasnodar ülkesinde "Tuapse" yermay zavodı zarar kördi. Rezervuar parkına ücüm qayd etildi, soñra şirkette yanğın çıqtı.

Bundan ğayrı, ukrayin quvetleri Rusiye Federatsiyasınıñ Belgorod vilâyetindeki Loknâ ve Donetsk vilâyetiniñ vaqtınca işğal etilgen Urzuf mesken yeriniñ rayonlarında duşman silâ anbarlarına ücüm etti.

Hatırlatamız ki, Ukrayina Mudafaa nazirliginiñ Baş istihbarat idaresi Rusiye Qara deñiz flotunıñ eki büyük desant gemisiniñ zarar körgenini ve radiolokatsiya stantsiyasınıñ yoq etilgenini bildirdi.

Читати ще

Читати ще

В окупованому Криму уражено два великі десантні кораблі РФ та РЛС — ГУР

Читати ще

У Севастополі ЗСУ уразили район зосередження військ РФ із комплексом "Бастіон" — Генштаб

Читати ще

У ГУР показали знищення у Криму пускової установки гіперзвукових ракет "Циркон" зі складу комплексу "Бастіон"

Telegram, WhatsApp, Facebook, TikTok ve YouTubede Suspilne Qırım haberlerine abune oluñız