İşğalli Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad ) prokurorlığı, "İnternette aşırıcı faaliyetke çağıruvlarRF CQNiñ 280-nci maddesiniñ 2-nci qısmı" sebebinden şeerniñ "Balıqlava rayon mahkemesi"ne yerli sakinge qarşı cinaiy davanı yolladı.
Yerli "prokurorlıq" çiçek ayınıñ 20-nde Telegram kanalında bunı bildirdi.
Rusiye tahqiqatınıñ versiyasına köre, 51 yaşındaki qadın 2022 senesi messencerniñ açıq subet toplulığında "belli bir milletten olğan insanlarnı öldürmege çağıruvlar"nen mesajlar yerleştirgen edi.
Anda şunı da qayd eteler ki, qadın "tövbe etti ve halq ögünde afu soramağa istegenini bildirdi".
Çiçek ayınıñ 20-nde "Sarı şerit" qarşılıq areketiniñ faalcileri bildirdiler ki, Rusiye Ukrayinanıñ VİETdaki universitetlerni teşviqat aleti olaraq qullana. Qırım, Sevastopol (Aqyar), Donetsk, Luğansk ve Melitopol şeerlerinde işğalli akimiyet "aşırıcılıqnıñ ögüni aluv" merkezleri ağını meydanğa ketirdi.
Daa evel "Tribunal. Qırım epizodı" teşebbüsiniñ uquq qorçalayıcıları Qırımda quvetçilerniñ Ukrayina tarafdarı olğan insanlarğa qarşı taqiplerge yanaşuvınıñ deñişkenine diqqat ayırdılar. Hususan, 2025 senesiniñ yazından başlap "aşırıcılıq" ve "terrorizm teşviqatı" aqqında uydurılğan cinaiy davalarnıñ sayısı bayağı arttı. 2026 senesi çiçek ayınıñ başında belli olğan davalardan biri — Ğlib Malkovğa qarşı dava.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
