Rusiye, Ukrayinanıñ VİETdaki tasil müessiselerini Rusiye tarafdarı mefküresini gençlerge tarqatmaq ve teşviqt etmek içün qullana. Bu maqsatnen işğalli akimiyet aliy oquv yurtlarında, hususan Qırım ve Sevastopolda (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adda) "aşıcılıqnıñ ögüni aluv" merkezleri ağını meydanğa ketirdi.
"Sarı şerit" areketiniñ faalcileri bunı bildirdiler.
Areket qayd etti ki, bu kibi merkezler Donetsk, Luğansk, Melitopol, Qırım ve Sevastopol (Aqyar) universitetlerinde açıldı.
Olarnıñ malümatına köre, edep işi adı altında studentlerge muntazam sürette Rusiye tarafdarı ikâyelerni aşılaylar ve nezaret etilgen haber alanı teşkil eteler.
Bu lektsiyalar, "vatanperver" tedbirler, konferentsiyalar ve treningler, olarnıñ devamında Ukrayinanı "telüke" olaraq, Rusiye Federatsiyasına qoltutuvnı ise — "tek doğru nazar noqtası" olaraq taqdim eteler. Bundan da ğayrı, talebeler teşviqat teşebbüslerinde ve malümat kampaniyalarında iştirak eteler.
"Böyle tedbirlerniñ eñ büyük intensivligi Qırım, Sevastopol (Aqyar — terciman) ve uzun zamandır işğal etilgen topraqlarda qayd etile. Gençlerniñ kimligini deñiştirmek ve tasil müitiniñ tam kontrolini almaq içün yapılğan büyük bir kampaniya aqqında söz yürsetile", — dep areket qayd etti.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
